新年家家戶戶門口都貼「出入平安」，唔知包唔包括埋毛孔呢? 每日我地都塗咁多野上面，皮膚吸唔吸得晒就要睇下佢有幾 "暢通"，所以要有健康皮膚，唔只洗面架乾淨，連卸妝都要徹徹底底~ 咁多款卸妝品，我比較鐘意用卸妝水，比起其他，皮膚用左呢個更加舒服。不過呢，市面上好多卸妝水都係為左加強卸妝功效，令到皮膚好易敏感，用d 低敏嘅，又變左唔夠力。早排仲比美容師一語道中，因為我額頭生左好多超深嘅粒粒呀。 把心一橫，都係用返d 口碑好，又係專為敏感肌、脆弱肌而設嘅溫泉舒緩低敏卸妝潔膚水，分享一下呢2個星期嘅低敏卸妝經歷先。 一抹卸淨抗污染 呵護滋潤敏感肌 La Roche-Posay 溫泉舒緩低敏卸妝潔膚水 ($175/400ml) 有人話過卸妝油先係卸得最乾淨，但油呢家野唔係人人都受得起~ La Roche-Posay 溫泉舒緩低敏卸妝潔膚水，水油混合化身成嘅卸妝水，將潔膚因子同甘油潤澤成分加入法國La Roche-Posay 温泉水，有效卸走皮膚表面妝容同時吸走毛孔入面嘅油垢，仲有效保濕、柔潤肌膚，溫和地潔淨肌膚。 0%防腐劑、0%PARABEN、0%香料、0%酒精、0%色素、0%皂鹼，不為肌膚帶來額外負擔之餘，亦可即時舒緩敏感症狀。 即刻試上手睇下個反應先~ 卸妝水無色無味，抹上手好清爽，一d都唔笠。 輕輕一抹，張化妝棉已經變左黃色~ 哈哈哈，我對手真係有咁dirty 咩 抹完一陣，手背都依然好水潤，就算清爽但一d都唔乾爭爭，亦都冇泛紅，仲要好似白左dd，hehe 果然係低敏之選。 好啦, 試埋卸妝先，一次過係手背上塗上胭脂水，唇膏唇彩，眼線筆，眼線液同mascara。 先敷個十秒 (左上) 第一抹，唔洗用力，唇彩同眼線液已經完全KO。 (右上) 第二抹，力度一樣，胭脂都KO 埋，睫毛液都卸左一半LU。 (左下) 第三抹，重點係眼線液同睫毛液加強抹，7成抹走晒啦~ (右下) 第四抹，再重點加強，9 成妝都清晒lu. 表面睇上去乾淨，但我地呢d 進求完美嘅人，要毛孔入面都乾淨先係perfect!! 用左2個星期左右，基本上每日都會抹一次先洗面，冇妝咪當深層清潔毛孔lor，額上嘅粒粒已經收斂返，毛孔再冇藏粉色污垢啦~ 超mild 卸妝潔膚水推介推介!! Thanks La Roche-Posay #LaRochePosayHKSponsored #larocheposayhk #abetterlifeforsensitiveskin #micellarwaterultra ---------------------------------------------- Follow Me on Gi C Life wengichow@gmail.com -------------------------------------------
