分享完JipiJapa 新出嘅舒服又好襯嘅Sneaker系列，點可以唔介紹埋最近嘅心頭好JipiJapa Loafers，平底單鞋返工look 都係超易襯～ 有銀白色同藍白色揀，我就揀左藍白色黎襯返我日常嘅返工look，新鞋落地，又係mix & match 嘅時間啦～ JipiJapa 寶藍x銀色編織皮Loafers $1,290 鞋底都係以軟身為主題，不過就比之前著過嘅slip-on 薄身，即時變返一對欺文嘅返工良伴。 不過唔好以為佢冇咁厚就唔好著，鞋底都係咁舒服，一樣咁保護雙腳～ Mix & Match: 格仔褲文青look 第一眼見到JipiJapa 寶藍x銀色編織皮Loafers，鞋頭小小尖加埋格仔織皮，好有文青感覺，即刻TB一條七分格仔褲返黎，上身襯上黑色襯衫及修身外套，成個look 都好slim 好顯瘦。 Mix & Match: 是日灰灰地 著左上身先知今日個look 咁灰，不過灰得黎都幾得意幾好睇丫～ 配上deep v短襯衫，露出個sexy 小肚子。JipiJapa 寶藍x銀色編織皮Loafers本身有顯修及拉長雙腿嘅效果，配黑白格仔鉛筆褲都唔怕變短腳怪。 Mix & Match: Woman in Black 穿上平日最愛嘅ALL BLACK 就最自在啦，但ALL BLACK 得多有時都會攪到個人沉沉地，近期開始襯一d唔同color 嘅外套，打一打個contrast，成個look 就即刻唔同晒～ JipiJapa 寶藍x銀色編織皮Loafers 真係超好襯，同一套衫鞋，襯淺色西裝外套，做出斯文OL Look。襯大紅色中長外套，大方時尚感表露無為。 點擊圖片放大 除左對Sneaker 同Loafers之外，我仲額外入手呢對白色Slip-on, 呢對鞋我真係一見鐘意～ 價錢都冇睇過，期待夏天快d來臨，可以著住佢襯黑色雪紡裙，一定好靚嘅姐～ ---------------------------------------------- Follow Me on Gi C Life wengichow@gmail.com -------------------------------------------
