神級護膚品牌SK-II有邊個唔識呢，不過講真，做咗9年Blogger，真係未認認真真地花上時間同呢個神級品牌好好相處過。記得較年輕嘅時候用過一次，到依家開始踏入成熟年齡，自覺是時候好好改變一下，Change Destiny! 攰！係呀，呢排工作真係好忙，但極忙都要衝著來會一會呢個小紅瓶，全新R.N.A Power系列！ 講起上黎，以前對SK-II並無咩渴求，一直都抱 "搵到啱我用嘅護膚品，用得好好地就唔大轉lu" 呢種心態。但近年開始發覺老態開始出黎架，整體睇上去其實都冇乜咩，但只要細睇一d，開始發現皮膚好難再似以前咁光透，疑似的包包面應該係皮膚緊緻減弱，眼袋都越黎越大啦... 而我嘅一班台灣朋友，個個都食過防腐制咁，原來都係SK-II多年用家。引得我今日再忙都要黎呢個gathering，了解下SK-II 最新抗老之作- R.N.A Power Series [全方位立體緊緻 抗老巔峰次作驚世登場 改寫肌膚未來15年命運]
