話說好友試過歷山餐廳自助晚餐，想再去就推介我試，正常我會反對，但好友是食家都話試得過，就俾一次機會喇！結果沒有失望且有驚喜，食得到食物的質素，單是那個和風松葉蟹蓋炒飯已值回票價，還未計即開生蠔、大鮑魚刺身.......仲有任飲紅白酒及汽水，呢餐當然食得好滿足，也完全改變了往昔的印象，也有計劃會番單，不過就會試星期日至星期四的半自助餐，同埋要早點來餐廳及大堂打打卡。 講番今次呢個名為「蟹逅· 鮑魚海鮮盛宴」自助晚餐，首先是每人有兩隻鮮甜味足的鮑魚刺身，大廚更細心的將鮑魚刺身切成薄片，細細片的入口味道清甜，口感仲不知幾彈牙。由於是以阿拉斯加皇帝蟹及鮑魚做主題，再加埋蟹粉、蟹黃、蟹肉既美食就有10款咁上下，自問不能盡錄，只能記低我至愛的幾款喇！ 避風塘炒皇帝蟹利用避風塘炒蟹風格加入豆豉、指天椒、蒜頭等香料將蟹炒香，蟹肉份外惹味，充滿口感層次，辛辣冶味。 皇帝蟹茶碗蒸鮮甜的皇帝蟹配上嫩滑的茶碗蒸蛋，蛋的香滑，令人好回味。 羊肚菌花膠響螺燉雞湯以羊肚菌、花膠及響螺配上滑雞燉至入味，入口還有陣陣的羊肚菌香味，湯頭甘香清甜，是個補而不燥的滋味湯品。 和風松葉蟹蓋炒飯食食下突然聽到鐘聲響，知道必有好野食，就是和風松葉蟹蓋炒飯，入口即嘗到鮮甜味美的松葉蟹肉，用匙羹一𢳂就是松葉蟹膏，撈埋熱辣的飯同吃，堅好味，仲有水牛芝士及三文魚子，味道濃郁層次感豐富，由於份量都唔細，否則一定食多一個。 香煎鴨肝睇到師傅將鴨肝慢慢煎至表面微焦，入口真是外酥內嫩，濃郁的鴨肝香味响口腔內爆發，回甘餘韻悠長，若果是厚切就更完美。 頂級烤肉 雖然我是食肉獸，但自助餐的烤肉一向不是我的首選，但好友又推介，好吧 ！即切烤肉慢燒的美國頂級西冷牛扒，掌握火候準繩度，肉質又真是幾嫩，肉味香濃，又真是不錯喎。 當然仲有羊架，好友都大讚，但羊架不是我的喜好所以無試，就難以作出評價。點擊圖片放大 冰鎮海鮮區就有即開生蠔、鱈場蟹腳、青口、海螺及凍蝦等；刺身就有薄片吞拿魚、三文魚、帶子、紅蝦、油甘魚、赤貝。冷盤有巴馬火腿配蜜瓜、煙三文魚、雜凍肉拼盤等。熱葷今晚就有清蒸沙巴龍躉、雜錦串燒包括大蝦、鰻魚、牛肉串、雞軟骨及玉桂菠蘿，整體都算幾豐富。點擊圖片放大 +5 甜品Mövenpick雪糕都有五款，仲有以抹茶栗子做主題的甜品，同埋我至愛既招牌芒果拿破崙；即叫即焗的窩夫，由於我是水怪自助飲品吧，無限暢飲精選紅酒、白酒、啤酒、汽水、橙汁、蘋果汁、咖啡、茶，就至啱我。點擊圖片放大 +3 最後一定要提是記住網店預付7折 兼享兩大送一小，生日成人買五送一連蛋糕。「樂悠折上折」60歳以上長者星期六來享用自助午餐網店預付6折優惠，折實連原價加一每位$271.6，實在好着數，記住帶埋家人一齊來呀！
