難得家人放假，中午就去東海薈食晏，發現原來轉了用手機點餐，個人覺得真是超方便，而且好簡單，Scan 左個QR Code，即刻睇到有乜選擇，鍾意食乜就自己加減，最正是食幾多錢即時睇到，而且仲有$10優惠，當然即試喇!加上安排到窗邊位，望住青衣海傍景致，開揚又舒服。 依家Scan 呢個QR Code就可以自己點餐。 今日雖然食點心，但知道皇者脆皮燒鵝及掛糖叉燒都好出位，又忍唔住叫埋。燒鵝肉質柔軟鬆化，皮薄香脆。 叉燒富肉汁而且肉質軟嫩！ 這裡還有亮點就是點心每位上，即是你自己食就點，唔駛就來就去又食多左，仲可以試多幾款。上枱時都是霧煙的，熱辣辣的東海蝦餃皇，大大隻的入面全是爽口彈牙的鮮蝦；翡翠帶子燒賣上面的帶子不算大粒，但幾鮮甜；流汁小籠包入口湯汁全送進口內，肉嫩多汁；上素粉果有菇粒好香。 我的最愛鮑汁鳯爪，扣得好腍又入味的鳯爪，與鮑汁真是超級的夾。 蜜汁叉燒包及風味潤腸卷，兩款包都是軟滑，前者叉燒超多汁，好滋味，後者是邪惡一點，但潤腸質感豐富，甘香惹味，試一件都無問題喇！ 瑤柱花菇灌湯餃，上湯幾清甜，只是皮厚了一點，否則更美味。 只是好耐未食蔥花炸兩就點了，想不到炸兩會是脆卜卜的真是有驚喜。 銀芽肉絲煎麵最愛是麵炸得好脆。 食時淋上肉絲，又是另一種口感，好味。 北菇棉花雞，真是幾足料，大大件雞肶肉，魚肚吸引了雞汁的精華，好清甜又夠軟滑。 來個古法馬拉糕作結，黑糖的清香，鬆化的馬拉糕，滋味呀！ 手機點餐慳十元，可以食多個蜜汁叉燒包喇!關注我的FB專頁：https://www.facebook.com/Wendysugar%E6%89%AE%E9%9D%9A%E7%8E%A9%E6%A8%82gogogo-247827945375794追蹤我的個人FB：https://www.facebook.com/wendy.sugar.5追蹤我的個人IG：https://www.instagram.com/wendysugar關注我的Youtube：https://www.youtube.com/channel/UCV-ss_zzdoPJeJFjcv5E8vQ
