基本上約兩個月左右會去元朗，主要是探朋友，早排佢帶了我去西菁街，發現呢條街都好多野食，不過當晚唔想食中菜，見到呢間Forever 520門外的宣傳龍蝦系列套餐做半價優惠，咁吸引就入去試試，結果整體都幾滿意。 當晚安排了坐卡位，一坐低我就立即點了石燒波士頓龍蝦伴英倫皇室牛柳 $129，要求了5成熟配黑椒汁，牛柳加埋半隻龍蝦，賣相及份量都幾滿意，入口肉質真是幾軟腍，牛味都算突出，火侯都掌握得幾好，黑椒汁都調教得幾好，個人好辣就覺得未夠辣；龍蝦就真是幾爽口，都算鮮甜，在蝦頭位置有龍蝦籽及龍蝦膏，我都忍唔住輕嘗一下，又幾鮮味喎。仲有伴碟的薯蓉，有牛油香，都好好味。 我愛厚切牛柳 ，啖啖肉，有口感，不錯。 跟餐加多$28就有是日餐湯、丹麥烤多士及飲品，我就點了羅宋湯，酸甜度剛剛好，仲幾足料，朋友就點了白湯，激讚話好飲，我下次都會試下。 丹麥烤多士，烘得香脆的麭包邊，內裡好鬆化，我就超愛，就算不塗牛油都好好味，當然加埋牛油更是無敵。 朋友就點了正宗西班牙黑毛豬鞍扒(2支骨)$218，只得兩支骨真是啖啖肉，肉質仲好嫩，加入了香草，令黑毛豬味道更有層次，中和了豬扒的肥膩感，美味無窮！ 要享受到半價龍蝦優惠，首先要like facebook及讚好，我當然即時like。 呢度的戶外位置雖然座位不多，但不少人喜愛坐在戶外，臨走時都滿座了。 最後都加了$15試埋野菌磨菇意粉，未入口己聞到陣陣的野菌磨菇的香味，入口意粉煙靱有口感，做得不錯。 Forever 520門口放滿不同的宣傳海報，但最吸睛都是半價龍蝦，所以一定要入去試試，加上店內座位夠闊落，坐得好舒服， 感覺良好。Forever 520地址 ：元朗西菁街10號好順泰大廈地下57-58號舖電話號碼：39967782 whatapp98310301營業時間：0700-23:00>>>>>>>>>>>>>>>>>>>>>>>>>>>>>>>關注我的FB專頁：https://www.facebook.com/Wendysugar%E6%89%AE%E9%9D%9A%E7%8E%A9%E6%A8%82gogogo-247827945375794追蹤我的個人FB：https://www.facebook.com/wendy.sugar.5追蹤我的個人IG：https://www.instagram.com/wendysugar
