基於唔想再改期嘅關係，照同朋友聚一聚先，就搵左旺中帶靜既天后站，一出地鐵過對面就到如心銅鑼灣海景酒店食「意式半自助餐」，愛吃海鮮朋友就好滿足，因為一入坐就有冰鎮海鮮拼盤，還有刺身拼盤，大家都吃得好開心。而我就主攻buffet table上的前菜、沙律、湯，至於主菜則在六款中任選兩款，雖然晚市就可以任點任食，但午市價錢折實後只是$246個人就覺得好扺食。 海鮮拼盤就有加拿大雪花蟹腳、熟蝦、翡翠螺、青口及蜆，但不是每次一樣，我上次來吃和今次有點不同，所以覺得應是看是否時令。 連中午自助餐都有原隻24個月的巴馬火腿，見到我至愛的火腿忍唔住食了幾塊，真是幾滋味。 炭燒豬扒配紅酒汁，如果再燒濃一點我更愛，入口肉質鬆軟夠Juicy，朋友就好愛，但我都是鍾情牛扒多一點。 朋友叫了香煎龍脷柳配白酒汁讚不絶口，猛話煎得香口，龍脷柳有點鹹香味，而沒有半點腥味，還有雜菜伴底，好滿意咁話。 燒春雞配露絲瑪莉汁，我食左一口，皮香肉嫩那露絲瑪莉汁，令口感清新，幾滋味。 主菜有炭燒肉眼扒配黑醋汁，我要求半熟，入口肉質幾嫩滑，黑醋汁少少酸甜味，就同肉眼扒幾夾，唔錯。 自問對肉醬意粉興趣不大，但好友話好好味，點都要我試，入口又真是好不錯，意粉煙靭彈牙，肉醬都有濃濃的肉香，真是沒有介紹錯。 劍魚、三文魚、吞拿魚及牡丹蝦，即叫即切，鮮味十足。 一頓完美的晚餐又怎少得了甜品呢！這裡自家製的蘋果金寶及藍梅芝士蛋糕，不算太甜，令人好有驚喜。如心銅鑼灣海景酒店–Corner 18地址：香港銅鑼灣英皇道18號1樓查詢電話：3553 2667 | 5667 8027(WhatsApp)
