今日想同大家分享下我用左Philosophy Purity Made Simple-One step facial cleanser 三合一潔面乳一個星期既用後感~ 首先睇下個包裝先: $200/240ml or $325/480ml 佢係一個洗卸合一既潔面乳，可以卸眼同面既妝，suppose 用完之後就唔洗再用其他洗面產品。呢個產品claim話用完會feel到好乾淨，好舒服，仲有少少補濕既作用。 用法: 首先整濕少少塊面先，然後將個潔面乳搽均成塊面，按摩大概30-60秒，之後沖水就ok架喇 佢擠出黎係黃色gel狀既，唔係太稠身。捽落塊面之後，按摩一陣就會有少少泡。 以下係我其中一日卸妝前同卸妝後既相俾大家睇~ 用前 用後 用前 用後 洗完之後塊面都幾乾淨，同埋摸落去塊面係好滑，又唔會好乾。 至於眼妝方面，mascara係完全可以卸得晒，eyeliner就卸到大概7成度，要另外搵眼部卸妝產品落。 總結: 平時我多數都係搽base加碎粉或者好薄既粉底加碎粉，所以我就會用呢支黎洗面，洗完都幾乾淨。我建議大家如果果日係化一個淡妝既話，都可以用佢黎洗面加卸妝。至於濃妝我就好少化，所以唔知道佢會唔會完全卸得乾淨。 我自己係乾性皮膚既，所以如果洗完好乾既話我一定唔鍾意，尤其是而家冬天塊面更加乾，但係呢隻就真係洗完唔會乾。價錢方面，我覺得都唔係好貴，而且一支可以用好耐，佢咁既quality都值既， 所以如果你地有興趣都好推薦大家去試下！ 以上純屬個人意見~
