其實我岩岩出身既時候就係做Oasis，我同Oasis啲愛恨情仇真係成匹布咁長哈哈哈哈哈，講笑，其實就無咩話恩怨情仇，純粹我真係連續做Oasis做左六、七年以上，而你知啦，開得係尖沙咀海港城、旺角朗豪坊呢啲位根本就唔會平得去邊......所以Oasis比坊間其他美容院貴少少都係正常！問題係，佢地真係年年加價、係年年加價！我明，我真係明香港通漲，但都唔洗同一個療程每年都加一次價呱......我真心懷疑呢啲係襟住舊客黎搶。Oasis佢地以前都唔玩咩幾舊水試做價，但大勢所趨，度度都係咁唔係免費試做就優惠價試做，不過好似真係得大型公司handle得起個啲先免費試做，其他比較細型嘅公司都要多少收少少試做價......離左題添！總之啦，Oasis雖然有醫生駐場但因為年年都加價（我懷疑天后個代言費用好貴下）一直同我講一次療程要6k幾(你無聽錯，就係一次療程既價錢，我懷疑佢地今年已經加到一次療程7k幾)，所以我覺得天涯何處無芳草！出面肯定有療程既，只不過我一直太懶、做慣做熟左所以先唔走咋嘛......……結果一直拖我就一直無搵新美容院新療程。然後差唔多2年無做過任何野，某日就發現自己鼻樑位同臉頰位出現左色斑！於是死死地氣（又係因為懶得搵又搵得試同俾人hardsell）就去左試做佢地個Oasis嘅Pico4Genius，網上做緊$488就可以試做一次Pico4Genius + HIFU瘦面(好似仲會送佢地賣唔出去個個自家品牌個面膜哈哈哈哈）因為唔想去返我之前個間比以前個顧問sell，我偷偷地去左朗豪坊個間Oasis仲用埋另一個電話添（我真係天才哈哈哈）佢地問我拎身分證登記得無比到啦。我問「點解試做要登記身份證」，佢地就立即收左檔。Oasis除左真正做療程個下，卸妝、潔面、敷麻都係比你自己坐係個好似藝員梳妝間既細房，前兩樣自己做，敷麻係有姐姐過黎幫你搽，搽完你就繼續坐20分鐘啦，係，係無得瞓覺抖抖，Oasis呢個價錢咁樣比你自己洗面同淨坐就真係好離譜....不過我都慣曬哈哈哈，如果唔知既人去到可能覺得shock，畢竟呢間Oasis係貴婦品牌......打斑+打HIFU大家都試過咩感受，我唔多講，打斑就都幾抵讚(因為部機平啲)所以就打足2 round，唔痛既，能量無開得好大，比較似橡筋彈，Hifu就打幾下咋，因為人地計發數架嘛，但個幾下感覺都幾大......不過打左幾下都無謂期待咩效果啦！咁好快搞掂曬就又比人捉入返玻璃房sell，又係話新客優惠盛盛盛，我話咁總之除返開買六次plan，一個療程折實究竟幾錢.......哇個價錢！哇個價錢，我真係信佢地呢間野近年應該唔係好掂，又或者當客人係水魚，直頭離曬地，十分之唔合理。我話太貴啦，超出我想像太多，唔啦bye bye，跟住留低左我本身準備好既現金(都費事等佢地碌卡hold卡既時候sell我）就走，Oasis佢地可能都覺得我係麻煩友，都無再sell。皮秒去斑邊間好？第二間我試左PM，即係Perfect Medical既PicoCure 皮納秒去斑其實Perfect Medical PicoCure 皮納秒去斑我之前做功課都有留意到（好難唔留意到啦佢地咁多廣告），不過因為驚比人hardsell，我又唔熟打熟路所以就無去......我最後跟我個朋友去左，係我朋友有色斑又想試Perfect Medical 打斑，咁佢又有個朋友話可以referr識既顧問比佢.......一個帶一個咁啦總之，而且我覺得我朋友會買，咁我就唔洗買！無咁大壓力哈哈哈哈我明明記得Perfect Medical係Sammi代言，上到去先發現佢代言既係同集團第二間，anyway，總之呢個Perfect Medical 集團都係有錢，而且應該有錢過Oasis，因為佢地免費試做係真！免費試做......甚至都唔係優惠價或者試做價，即係做完唔買你就走得！上到Perfect Medical 循例就係填資料、花茶（點解最近度度間間都鐘意比茶）然後就去見顧問、做皮膚分析，又話你既色斑只係冰山一角吧啦吧啦......跟住就入房做療程啦，我同朋友梗係一人一間啦！我當時其實都無咩大感想，淨係覺得間間房都對海景咁豪？Perfect Medical 佢地真係好有錢喎！同埋卸妝潔面都係瞓住既，所以我都真係可以抖下，清潔完就可以開始打皮秒去斑，無咩好講，不過係feel到有比較大既感覺，我覺得Perfect Medical 佢地個能量係開得大少少既，而且都係打曬全面，2 round同埋有重點打我鼻樑同臉頰......重點打色斑既時候感覺就更加大！有打過色斑既人都知道好快就做完，25分鐘度啦，跟住出到去又入顧問房，不過我好似做完先定點（條衰婆可能一做完化返妝所以先咁耐），所以就一丁友去迎戰顧問。Perfect Medical 個顧問其實都十分有sense，佢問我之前邊間做開？個間同我地有咩分別？你感覺點呀？你覺得有咩可以改善既地方？個啲，傾左一輪熟稔左之後我提到之前做個間年年加價真係太貴，佢話佢都明，跟住先開始傾個皮秒去斑PicoCure 皮納秒去斑既價錢......Perfect Medical 去斑個價錢係合理，我覺得合理。我睇顧問佢個奸笑樣，就知道佢地Perfect Medical個價錢肯定就係平過我上家。佢肯定覺得自己勝算在握，而事實上其實......都係。因為都係打斑、都係皮秒打斑、都係進口機，我本身又懶得去試新野、又被人從頭sell多次，我諗Perfect Medical係大店，地點就腳、治療師有訓練，咁個Plan價錢合理既話都唔洗諗咁多，所以我買左個6次package，其實就算唔岩用、我到最後覺得唔太鐘意，都係半年者......以我既定力，係絕對唔會比佢地加sale，呢點我好有信心，所以OK。咁Perfect Medical 去斑有無效果？有用嗎？話分兩頭，咁又有好多人話唔好淨係睇價錢、睇有無去斑效果先得架！講得岩！你地都講得岩！我試做完返去第三日其實雀斑就淡左八成、臉頰色斑我覺得都淡左三成，剩返既就真係要繼續打散黑色素繼續做......老老實實，而家市面上大連鎖店為左聲譽不會用渣機、假機，做得都係真機，如果你要做到意大利機你都要預左比好多錢，美國機都完全夠洗，同級數比既就係價錢啦，因為淺層色斑只要用皮秒激光(就算唔係皮秒係普通激光)其實都一定有效果睇到架喎......可能因為我對醫美比較熟，所以我知道凡走過必留痕跡(?)，唔係，總之除左荷爾蒙斑，淺層色斑好容易搞掂架，去做得就有效，以上！所以你地唔好問點解我淨係計較價錢唔計較去斑效果，如果去斑效果為零，個間野都收得檔，仲可以做到上市咩？ 呢條Link可以免費體驗 Perfect Medical PicoCure 皮秒去斑療程，唔好去錯!
