南九州 薩摩流水爽滑麵，真係無改錯名！夠爽夠滑嘟嘟！ (想睇片段可以Click入 "http://youtu.be/mriYil0Cx3k") 大家睇日劇或者卡通片都應該成日見到『流水麵線』，原來佢前身就係南九州嘅『迴轉流水麵線』。但係到底係邊個發明呢樣野？原來發明者係二次世界大戰期間嘅飛機工程師，運用螺旋槳原理發明旋轉流水麵機。 (呢部就係偉大發明 旋轉流水麵機﹗我見到個一刻都覺得好新奇﹗) (想食幾多麵就放幾多麵落去，之後啲麵就會轉轉轉轉﹗一夾起就係) 大家食麵之前只需要放啲麵線落去過冷河，啲麵就會逆時針方向轉，無論坐邊個位，只需要放對筷子落水，麵條就會經過你對筷子，好輕易就夾到上黎食。 (平時香港食冷面，通常都會放冰喺底，麵先會凍。但係呢度用嘅天然水已經夠凍，爽呀﹗) 咁日本最正嘅流水麵線邊度有得食？答案就係九州指宿市 唐船峽。因為食流水麵你估求其搵水喉水就得咩？佢地用嘅水係京田湧水，係『日本百大名水』，湧水終年十三度至十五度，水質乾淨、無污染，所以當地出產好多優質鱒魚。 麵線過完湧水冷河之後，加埋凈麵汁、䓤花、芥辣！放入口個下真係滑到聲！ (一入門口就已經見到好多鯉魚旗，充滿日本Feel) (午餐無理由淨係食麵架，其實仲有一條燒魚同飯糰。開頭以為條魚唔好食，點知放入口先知原來係好滑架﹗) 誰不愛旅遊 攝於 九州 指宿 更多旅遊資料盡在 Facebook Page www.facebook.com/weluvtravel Instagram UserName: Chuckippi
