今日同朋友一起係大埔踩完單車，超肚餓，去到大埔墟既食街， 見到有間應該新開既韓牛喔，啱哂胃口，hehe 燒原隻魷魚 一入到去，已經見到大大枝既獨立抽氣扇～ 小貼士：每一張櫈下面都有位俾你放袋或者衫，咁就唔怕成件衫都係油煙味啦。 櫈都未坐暖，侍應姐姐已經送上三碟既前菜，分別係海帶、芽菜同泡菜。 我自己好中意呢度d 芽菜哦，味道腌製得剛剛好，而且爽脆有口感。 p.s. 呢度D店員好勤力問你使唔使加前菜，我自己芽菜refill 左起碼四次lol，for free哦! 正式開餐!!!OPPA我來了!!!! 打頭陣既係燒原隻魷魚($88) 超impress!! 當時我無想象過原來88蚊有呢個超大份既魷魚，好抵食！！ 而且好新鮮，燒完後係啖啖肉，超香，但入面仍然保留住魷魚既鮮甜味！！ 好好食!!!!!!!! 五花腩($98 150g) 五花腩的肥瘦分佈平均，但最可惜係之前沒有經過少少調味， 導致燒完沒有什麽味道，要靠醬料吊味。 雞腎($68 150g) 本來以爲分量會好少，我對150g 有幾多無概念lol 然後見到D雞腎堆到成座小山，我又以爲下面鋪左好多菜hahaha 但原來，分量真係超多，滿滿一盤哦！ 燒完後質感脆脆地，好有口感，而且都算幾爽口~ 食到一半，爐邊蛋熟lo~~~ 蛋入面材料好豐富，有泡菜魷魚等等哦，食落去係微辣，幾開胃！ P.S. 呢度D服務相當唔錯哦，店員好勤力，無論係加前菜，定係幫你燒野食， 連爐都幫我地整乾淨幾次，真係好周到哦，令我對OPPA加分唔少，果然員工係公司最重要既資產 ;)
