真既Las Vegas仲未有機會去到,今日帶住媽咪去Little Vegas食餐好既先 ! Little Vegas 入面有好多好靚既小擺設~ “等食”期間,我仲食左幾粒糖lol 墨西哥嗆辣雞肉Pizza($78) 本身聽個名覺得伏伏地,嗆辣呢個字都嚇死人la-- 但原來實物,係得少少少少辣,但雞肉好入味,而且係超級多cheese !!! 78蚊都幾大份,本身以為得一細舊,但成個pizza 係一開六!!! 真心覺得呢個好食而且好抵!! 燒烤醬焗豬肋骨($168) Little Vegas呢個ribs 意外地好食,係連我丫媽都話好食lol Half size 既價錢,好似有5舊左右,我覺得頭頭尾尾係最好食,因為最多汁,入哂味~ D ribs 唔會燒到好老,一切就切到d肉,唔會令你乜table manner 都無哂(我係淑女黎!!) 而且d薯條都勁好食!!!!! 薯條有薯仔味(我好似講緊廢話lol), 上面仲有少少孜然粉,超香超好食!!! XO醬拿破崙鮮蝦扁意粉($118) 呢個蝦超大超爽口,讚,而且好似有三四隻添,份量唔少架。 但似乎XO醬感覺就無乜喇,可能西餐既同我理解唔同。 平時果d好似有少少瑤柱少少蝦米仲有少少辣辣地~overall 都係好食既!