因為疫情關係, 已經有兩年無出走過喇......唔知大家又等咗幾耐呢？😢無得出走大家都好辛苦, 完全可以話係覺得生無可戀😂。越想出走就越諗起以前快樂嘅時光, 一堆堆嘅畫面同回憶突然返哂黎, 唔同嘅地方, 唔同嘅旅伴, 唔同嘅經歷, 唔同嘅感受, 真係太多太多......😩。不過做人又點可以咁灰呢？！唔可以將自己比負面情緒籠罩住架嘛, 係咪💪💪？！小編做人比較阿Q, 唔比出走咪唯有回憶一下, 至小可以令自己記起一D開心嘅時光 (當然係選擇性啦, 如果大家係都要去記一D唔開心嘅經歷咁小編都無辦法😅)。記憶中泰國應該係小編第一個旅遊嘅地方 (相信好多人同我一樣)，雖然無辦法諗起太多, 但至少有2個地方係印象比較深刻，第一個就係湄南河。記得果陣時嘅觀光船邊有依家咁靚咁安全吖😅，感覺好唔穩陣, 所以小心翼翼上船後完全唔敢郁, 真係好驚佢會反😨。乘船途中睇下周圍嘅境色, 感覺尼個地方好樸素好寧靜, D屋就喺條河嘅河邊, 有幾級樓梯, 當地人就喺尼條"泥黃色"嘅河水度洗衫同玩水。 當架船去到某一個位就停低咗, 之後開始有D售賣商品嘅船駁埋黎, 有水果、食品、飲品、飾物、花......好多唔同種類。船上大多數人都係買麵包用黎餵河上面嘅魚, 一放舊麵包落去, 原本平靜嘅泥黃色水面即刻出現好多非常大條嘅黑色魚 (D魚大到小編有D驚🤣), D魚加埋D泥黃色水喺度不停郁動, 若隱若現。 後來發現影低尼一刻嘅相, 出黎嘅相竟然變哂好似雲石相一樣🤣，不過都唔緊要, 因為記憶會永遠留喺腦海😊。尼個就係小編對湄南河嘅記憶, 唔知大家又有無諗起D咩呢？ #泰國 #湄南河 #旅遊 #回憶 #泰國遊 #經歷分享
