通常開心既時間一眨眼就過, 諗起聽日要返工就即刻成個人頹曬😞 但係日子始終都係要過, 唯有努力工作迎接下一個週末💪🏽 見今日天氣唔錯, 一早起身去左行山⛰ 行完山梗係要食返啲野補充體力順便休息下啦💁🏾♀️ 今次黎到位於天后TUVE 酒店下面既一間Cafe🍴 Cafe 既座位數目唔多, 就算我地差唔多3點鐘去到都要等位, 不過已經比想像中少人🤔 最後等左差唔多20分鐘先有位🙈 Garlic Mayo Curly Fries 🍟 ($78)就算最近食熱氣野食到有啲喉嚨痛都仲係要繼續食薯條😂 呢度既Fries 炸得好鬆脆, 再配埋個Garlic 味都幾重既Mayo一齊食好滋, 就算唔點醬都覺得好好食😋 Salmon Poke Bowl 🍣 ($108)行山行到咁肚餓, 真係好想食返啖飯暖下肚🤩 呢碗飯既份量好適🈴️兩個人share👍🏽 Salmon既份量都算多, 而且少少火燒過既味道幾特別🔥 再配埋啲爽脆既海草同埋熱辣辣既飯, 呢個飯係有啲驚喜🥳 Baby Pancake with ice-cream🥞 ($98)呢個pancake係吸引到我地黎既原因😏 不過可惜期望越高失望越大☹️ 成件事比想像中普通, 但係個醬係幾特別既, 真係食到淡淡既山渣味😚 特別度唔高, 但係味道唔係差, 不過如果刻意黎試我就覺得冇必要 最後我地叫左兩杯呢度既Signature drink, 可惜真係普通到不行, 一係淡到傻, 一係就普通都暈, 有興趣可以試下佢地既cocktail 餐廳既座位都舒服😌 鹹食比甜食更有驚喜, 個Salmon bowl 同薯條真心正😍 呢間餐廳係dog friendly, 所以大家可以帶埋你地既愛犬一齊去🦮Superhooman (天后)📍天后清風街16號地舖🚊天后站A1出口⏰MON-SUN 09:00-18:00
