呢幾日既天氣真係令人凍到完全唔想郁🥶 唔知點解每到冬天都會好想食韓國野🇰🇷 等疫情好返既時候要即刻飛返轉韓國先得😂 約左朋友去南豐紗廠行個個圈打個卡, 於是就山長水遠入左荃灣, 難得一場黎到就梗係順便去埋覓食啦💁🏾♀️ 荃灣不嬲都出名多好野食, 不過為食妹今次目標明確係想食韓國野, 於是就黎左呢間長期都要排隊既韓國菜餐廳感受一下佢既人氣🍴我地大概12:00坐底都已經係最尾一張唔洗等位, 如果再遲啲就可能要等唔知幾耐😩 今次兩個人少少地叫左三樣野淺嘗一下 紫菜肉鬆蛋捲🫔($52)每次食親韓國野都會想食蛋捲, 如果有埋芝士仲正🤩 不過今次怕太濟, 所以就揀左個輕食少少既蛋捲, 蛋捲細細份, 兩個人share 啱啱好😎 蛋捲熱辣辣, 夠曬厚身,好滿足🥳 特調辣醬炸雞🍗(半份)($118)真係好耐冇食過炸雞, 見佢有半份咁點於是就叫左一半份6件既炸雞試下🤓 炸雞既口味都算多選擇, 我地揀左呢度既特調辣醬, 感覺好似特別啲🤪 炸雞每件都淡淡肉同脆卜卜, 個辣醬有啲似Tabasco 溝韓國既紅醬,唔會好辣, 不過我覺得個醬再”結”啲就好喇 甜辣年糕泡麵配炸餃子🥟($65)原本以為係熱辣辣噴曬煙既湯麵,想不到個麵係冇湯, 而且麵餅煮得唔夠熟🙈 佢係以特調甜辣醬做調味, 甜甜辣辣配埋煙煙韌韌既年糕同埋炸得超脆口既餃子係唔錯既, 不過我都係湯麵會好食啲 整體水準正常, 不過我覺得又未至於去到驚為天人同埋值得排太耐隊既一間🤔 不過食物既價錢以佢受歡迎既程度黎計係幾貼地, 所以多人幫襯都唔係冇原因既🤗 餐廳既位置都算多, 而且食客翻枱既速度都算快, 所以等位既時間都唔需要太耐韓閣 (荃灣)📍荃灣青山公路275號富裕樓地下G4-6號舖🚊荃灣站A2出口⏰MON-SUN 11:30-23:00
