新一年新的開始, 希望2021年會為香港帶來好運🎐最緊要係身體健康, 大家都唔好鬆懈呀💪🏽 難得又有三日假期就梗係要把握機會去覓食啦😚 今次黎到佐敦既呢間小店, 話明係小店當然係唔多座位啦💁🏾♀️ 而家仲要遇上限聚令, 所以可以坐既位更加少🙈 因為呢間小店都幾popular , 所以未去之前都以為要等好耐, 點知去到都唔洗點等, 不過就一小時限時⏰ 食物既選擇唔多, 相比之下飲品相對地多😄 泰正冬蔭公意大利粉🍝($128)最近好似都食左好多次冬蔭公意大利粉, 間間都有唔同既特色👍🏽 呢間淨係聞都覺得好辣咁, 食落真係幾辣🌶 辣得黎係幾過癮既, 最值得一讚既就係配左啲沙律去balance返🥗 另外仲有兩隻青口, 成件事好泰式🇹🇭 啱啱好全日早餐🥣($138)雖然all day breakfast 既野全部係屋企都好易整到, 不過硬係覺得出面食好似有feel啲😂 呢度好貼心, 如果食素既人可以揀另一款素食全日早餐🥣 我呢個就係正常咩都有果個, 有煙肉, 香腸, 炒滑蛋, 薯餅, 芝士大啡菇, 焦糖香蕉, 沙律同埋厚切蒜蓉烤多士🤤 成個breakfast 好豐富, 有齊曬所需要既營養,好滿足😍 椰奶泰式紅茶冰🥤($68)呢款飲品好得意, 將暖笠笠既椰奶倒落紅茶味既冰度🧊 用熱力去融化舊冰, 飲落椰奶味勁香, 但係茶味就偏淡 玫瑰蘋果茶🍎($42)呢個茶就算少冰都keep到凍冰冰既效果, 估計茶低應該係用冷泡既方法, 所以飲曬成杯都仲係凍☺️ 淡淡既蘋果味配上淡淡既玫瑰味, 飲落好舒服呢間小cafe成個感覺好舒服, 再加上面家隔曬板就更加舒服, 佢既裝飾都用左少少心思, 啲bar枱位擺曬店主收藏既車仔模型🚗 如果要黎又怕多人既話可以打電話或者係openrice 預約左先冚棒唥 (佐敦)📍佐敦西貢街3-5號昌華商業大廈地下2號舖🚊佐敦B1出口⏰MON-THUR/SUN 09:30-19:00⏰FRI-SAT 09:30-21:30
