樣靚身材正係人都想!所以香港咁多美容院同醫學美容中心開到成行成市!不過港女除咗外表靚之外,其實都聰明!相信大家絲打都知道,香港有不少美容纖體黑店,亂收費又有,用假冒機低質儀器又有,收咗錢走埋佬都有。我自己以前都中過消費陷阱,都可以比到少少意見大家,希望幫到你避開常見消費陷阱!點解會同大家講美容纖體黑店呢個問題?因為我實在睇唔過眼有部份黑店公司大條道理呃人錢,我想踢爆呢啲劣行以免有其他人受害。首先Ceci 要同大家講,唔好盡信網上嘅資訊,因為好多討論區、Facebook group等等群組,其實係有大量大型上市美容院打手出沒,無論係正面評價或者係負面評價,都有可能係假嘅!正面評價,可能只係某些公司自己搵打手落廣告宣傳自己公司服務。而就算負面評價,都唔可以盡信,因為亦都有好多抹黑其他公司。所以建議大家最好嘅方法並唔係去盲目相信網上資料,反而係通過多了解行情,包括收費、手法、聲譽,甚至問吓親戚朋友等等再去自己分析,去判斷邊類型公司與及服務最適合自己。做機減肥有效嗎?相信大家都見過好多有關美容纖體、做機減肥、減肥機其實等等廣告。市場上有好多什麼LPG M6、射頻溶脂、冷凍溶脂、增肌減脂、隔空溶脂、熱光溶脂、一叮溶脂、微波溶脂等等……乜嘢千奇百怪嘅科技都有,所提供嘅公司亦都良莠不齊,有啲係屬於大型企業,有好多係小型經營美容院,亦都有係一人公司工作室。公司規模大小未必同是否hard sell成正比,反而要了解佢嘅經營手法與及究竟係屬於正牌經營定係所謂嘅傳統劈場。如果要簡單去講解究竟溶脂機有冇用、做機減肥有效嗎等等問題,簡單嘅答案係:減肥機有一定用,但通常價錢都有返咁上下,去美容院纖體可以話係一種輕奢luxury服務。所以為免冤枉好人,大家千祈唔好覺得價錢貴就一定係黑店,其實好多正當醫生、美容診所、或者專業嘅機構,由於佢哋使用嘅正版FDA機器,價錢其實係一定唔會太平。反而好多使用不明來歷機器或者無牌山寨機器,價錢就可以平,反而嗰啲先至係需要大家小心。好多美容黑店會使用極低嘅價錢去吸引消費者上門,可能你地都見過什麼「$1000做10次」、「免費試做」等等銷售噱頭,但係作為曾經中過幾次呢對陷阱嘅人來講,我可以話俾你聽千祈唔好貪呢啲平價或者免費着數,因為呢類型平價招徠嘅療程中招機會係100%!我自己早年都試過睇呢啲咁嘅地方俾人屈左幾萬蚊。緊記,便宜莫貪!尤其係美容纖體減肥方面!總之,你見到任何千幾蚊做10次,甚至免費嘅廣告,你係可以直接skip!有幾間大型上市公司(黑店)落大量YouTube同Facebook廣告,多到每一次開你都會見到,但其實佢哋使用嘅方法係傳統嘅黑店模式,即係吸引你上去之後,就會用各種藉口推搪,話俾你知你唔適合去做,總之要加錢做10幾萬療程。美容黑店亦都有各種方法去令到你冇辦法離開現場,包括傳統困你喺間房入邊,或者當你入咗房之後偷偷地拎你張信用卡狂碌等。以上呢啲屬於傳統大型上市公司「夾硬嚟」嘅手段,雖然好惡劣但係由於佢哋有大量黑師爺律師團隊保護,好多時被hard sell你都吹佢唔漲。如何分辨減肥機的質素?Ceci係不同地方都有參加各種微調、豐胸、纖體療程。唔少消費者或者啱啱開始考慮做機減肥嘅朋友,其實佢未必好清楚各類型技術嘅市場收費,甚至錯誤地以為,各種類型能量機器收費其實差不多,所以越平越好。先行了解市場價格以及成本價格,可以有助你分辨究竟係買貴咗定買平咗。為咗令到大家容易啲理解,我會簡單去講解一下現時香港常見科技與及評論。各大做機減肥效果評價LPG (不太推薦)冷凍溶脂 (中規中矩,Coolsculpting歷史比較悠久)增肌減脂(效果不一,Emscuplt只適合部份體脂極低人士)隔空溶脂 (市場上比較多使用BTL Vanquish,其他山寨雜牌幾效果普通,需要持續進行)熱光溶脂 (效果明顯,需仔細分辨正版SWISS REJU VS冒牌)一叮溶脂 (Onda Coolwaves屬於高風險項目,自行斟酌風險,不太適合初學者)而家就會詳細評論各種減肥技術優劣之處。LPG 評價:不太推薦LPG 價錢:單次收費約$1000以下,但需要進行極多次才見到明顯少少效果,總預算$30,000以上LPG M6其實已經推出市場好長時間嘅舊有產物,而且價錢亦都偏貴,亦都係市場上少數缺乏真正高能量模式去改變脂肪狀態的減肥機技術。LPG M6主要原理,就係物理治療方法去刺激脂肪細胞及膠原蛋白的自我生長,由於使用的時候需要穿着特別保護衣,可以話係時間長、痛楚大、而效果慢。喺現時已經普及醫學美容技術嘅時代,呢種舊式減肥機係逐漸被淘汰,因為真係冇乜特別可取之處,所以亦都唔值得去花費大量金錢去做。整體不太推薦。冷凍溶脂評價: 中規中矩冷凍溶脂價錢:完整療程約$20,000-$50000左右,通常需要購買幾格冷凍溶脂是屬於香港較為舊式的無創纖體療程,屬於第一批可以通過非入侵性(即非手術)方法去減走部份脂肪細胞的療程,推出時候的確一鳴驚人。不過隨着時間過去,好多外國專家都發現冷凍溶脂並非完全沒有副作用,其中一個冷凍溶脂比較可怕嘅副作用,就係會導致脂肪細胞不規則生長,即係對部份人來講,不單止未能夠做到減少脂肪細胞嘅作用,甚至會刺激脂肪細胞不規則地生長,令到進行療程部位出現脂肪增生組織,需要通過做手術去切除。尤其係因為冷凍溶脂本身價錢都唔平,無論係以前嘅美國機Coolsculpting或後來嘅韓國Coolshaping,其實都要預最少$15000-$25000,其實會建議大家選擇現時市面上比較新穎嘅技術,價錢其實都係差唔多,但係使用嘅科技就新好多,減肥效果亦都比較明顯。增肌減脂評價:效果不一,適合身體脂肪比例偏低人士進行增肌減脂價錢:完整療程約$20,000左右增肌減脂相比起頭先所講嘅冷凍技術,其實係較為新穎嘅減肥機,因為佢使用一種比較新穎嘅能量方式,就係叫做EMF電磁波,仲有分好多種例如Emsculpt / Emsculpt Neo專利技術HIFEM,或者來自韓國醫療機構嘅E-Magstorm。電磁波可以刺激肌肉收縮放鬆,就好似你平時做sit up,不過佢就密集好多同埋強力好多,令到你即使就咁瞓喺度,都會有做運動嘅效果。就咁聽落去可能覺得好吸引,但係點解會需要提醒你,其實呢種增肌減脂機,最終減肥效果不一?原因都幾簡單,因為大部份人都選擇去做機減肥本身已經有肥胖、肚腩脂肪積聚等等問題。如果你本身身形係偏向好fit,再做增肌減脂機的確可以幫助腹肌線條更加明顯。即係好似佢哋廣告所講嘅人魚線、蜜桃臀。的確係某些特定前提下,係可以有助獲得以上效果。但如果你本身身體已經被肚腩脂肪包圍嘅話,再做增肌減脂機,隔空溶脂機其實會令到你肚部肌肉更為發達,望落去你個肚更加巨大(變成大肚腩加大肌肉),並唔能夠做到纖體效果,反而會令到你望落去更加大份!你個肚又大又實,都唔知你係有咗定肥到變形,大山婆巨人身材嚇死人,男人見到你都兜路走!所以我一向都建議我啲朋友,通常你要減肥減到去某個位,肚腩已經消失見到有明顯曲線,再去做增肌減脂機,減肥效果先會理想,否則好可能最後都係嘥錢嘥時間,換來更加龐大身形,其他人見到你咁大份都另眼相看,令你更為尷尬。隔空溶脂評價:大部份品牌效果普通,需要進行好多次先有效果。隔空溶脂價錢:完整療程約$10000-$20000左右,近期越嚟越平,質素亦都越嚟越參差。部份香港美容院亦有提供單次收費的隔空溶脂機,效果甚為參差相比起以上其中技術,可能大家喺唔同嘅美容院等等都見過隔空溶脂,就算未做過都可能聽過或者見過,我自己仲做緊美容顧問嘅時代,隔空溶脂 係一樣好貴而且好Pro嘅嘢,因為當時BTL Vanquish Me屬於較為新穎嘅科技,而且可以進行療程嘅地方極少,所以價錢定質素其實都係比較好。但近年隔空溶脂真係完全海嘯式劈價,大量平價大陸機進入市場,平價美容院服務質素亦都可以話係一落千丈!除咗原廠BTL Vanquish仍能維持質素之外,而家真係多咗好多平價嘅山寨廠隔空溶脂機。出產地點不明,有部份喺台灣,有部份係馬來西亞,有部份更加係大陸所做。亦都有好多舊款英國二手隔空溶脂機流入市場,總括來講其實已經冇以前咁professional,畢竟而家好多屋村商場、甚至單次收費美容院都有提供。即係好似咁, iPhone又係智能手機,小米又係智能手機,甚至紅米都係!市面上多咗好多平價選擇,但係咪代表整體效果好咗?其實你都心裏有數,好多時候真係一分錢一分貨。價錢平整體效果真係爭啲。隔空溶脂有部機本身唔代表一定做得好,亦都唔代表減肥效果一定好。因為要成功操作隔空溶脂機,係需要好多事前嘅準備同學習,亦都唔係就咁開部機就等如成功減到肥。就以元組BTL Vanquish作為例子,當中好多例如tuning、溫度、甚至如何防止水份影響結果等等,其實都需要專業嘅知識去操作。正版機器都咁複雜,其他山寨品牌操作方面更為令人擔心。如果講緊BTL Vanquish隔空溶脂啱啱進入香港嘅時候,即係10年前左右,好多美容師都需要連續上堂與及實踐超過三個月以上,先至開始慢慢掌握。同而家大部份單次收費低價但質素差嘅求其玩法相比,以前係真係願意投資好多時間喺教學及效果方面。而家隔空溶脂就真係變成快餐化,亦都劣質化。可惜現時香港實在太多平價隔空溶脂機,佢哋有個共通點,就係效果唔明顯,你可能要做10次以上先見到有的咁多嘅效果,性價比唔化算,亦都需要浪費大量時間持續進行,相比起現時其他類型嘅做機減肥技術,隔空溶脂已經慢慢落伍同out咗。熱光溶脂評價:效果明顯,但需要分清正版VS翻版熱光溶脂價錢:約$1500-2500一次,任揀不同機器SWISS REJU熱光溶脂其實係一種綜合式高能量纖體技術,利用最新激光、射頻、電磁波、頭超聲波等等技術,混合式去追擊脂肪細胞,令到脂肪細胞釋放脂肪酸做到定位纖體效果。熱光溶脂由中環SWISS REJU引入香港。SWISS REJU熱光溶脂使用多種機器、全方位影響脂肪細胞,務求令到多少肥胖脂肪盡快拜拜,排出體外!由於可以選擇嘅減肥機眾多,而且療程係唔需要額外收費轉換機器,價錢已經全包,理論上係比較容易搵到適合嘅減肥方案,呢一點係完勝坊間黑店。而且使用嘅各種機器分別獲得美國FDA、歐洲CE、韓國KFDA安全認證,比較放心。亦都比較多大型傳媒例如Cosmopolitan、ELLE等等嘅認可,甚至獲Cosmopolitan頒Best of the Best獎項!呢一點亦都係令到點解熱光溶脂係比較高性價比而且減肥效果比較好嘅方法!雖然係咁講,但係熱光溶脂都唔係冇缺點。第一,香港有好多翻版貨,正版係中環SWISS REJU熱光溶脂,但無論旺角、銅鑼灣甚至元朗,都有山寨公司推出冒牌貨。甚至有啲冇受過任何認證嘅札肚師,都會話可以上門提供扎肚同埋熱光溶脂!稍為有少少事長知識都知道根本就係冇可能。如果你真係想使用較低價錢去進行全方位式纖體服務,你就需要認清楚正版,就唔好諗住貪平少少去做山寨版,因為使用嘅機器唔同。更加唔好諗住懶,什麼上門提供服務,因為正版熱光溶脂根本冇家用機或者上門。好多札肚師根本呃人!一叮溶脂評價:Onda Coolwaves屬於高風險項目,要自行斟酌風險,不大適合初學者一叮溶脂價錢:試做價偏低,不過由於位置極細,只有一個iPhone大小,要完成整個療程花費大約 $30000-$80000一叮溶脂個名比較騎呢,點解會有咁樣嘅名呢?一叮溶脂個名咁古怪,其實係因為主要好似7仔微波爐叮燒賣腸粉咁樣,使用微波能量去叮啲脂肪!你可能會覺得幾搞笑!但係事實真係如此,一叮溶脂其實即係Onda Coolwaves,一部來自意大利嘅纖體機器,主要係用微波爐相近嘅微波能量,去刺激脂肪組織!相比起以上種種介紹過嘅減肥機技術,一叮溶脂/ Onda Coolwaves 係比較近期推出市場嘅科技,新嘅科技代表市場測試期短,老實講唔係一定好,因為始終時間短,市場尚未能夠完全了解安全性,亦都欠缺全面嘅風險評估。始終有啲嘢啱啱推出嘅時候以為一定安全,但後期先發覺原來係有手尾。除非你有好充分理由需要而家即刻做,否則都係建議你等個技術普及些少先至做都唔遲。一叮溶脂另外一點係比較其他技術輸蝕,就係因為技術太陌生,香港市場從業員的操作經驗以及知識技術未能夠配合。香港市場上真正受過訓練,獲得相關證書認證懂得操作微波類型機器一叮溶脂/ Onda Coolwaves 機器嘅美容師極少。香港1000個美容師可能得1-2個相關嘅證書,受正式機構培訓比例可能1%都冇,99%都係冇相關證書。更加有部份美容院其實係冇提供正規訓練,一班初級美容師好聽啲講就叫做邊學邊做,難聽啲講其實真係亂咁嚟。一叮溶脂Onda Coolwaves另外一個問題,就係直到現時為止,暫時仍然未獲得FDA正式批准!兼且由於技術冷門,未有好多培訓機構提供有關課程,導致市面上絕大部份的服務提供者其實都冇辦法去確保服務質素符合安全水平。如果其實本身比較普遍同大路,出邊好多地方可以做,咁樣都還好,但係如果技術本身小眾,出邊街又冇乜人識嘅話,其實對於初學者來講係幾頭痛,風險亦都比較大。由於係幾個大範疇都出現不明朗因素,而一叮溶脂價錢亦都唔係特別平,亦都冇FDA,建議都係等一等,等到市場佔有率比較健康嘅時候先再決定。美容纖體黑店特徵頭先就講完香港常見嘅減肥機,而家就會講解下香港美容黑店特徵,睇吓有冇做你做嗰間!香港減肥纖體黑店通常有幾個方法呃錢,第一就係hard sell,即係你去到現場之後就會使用威逼利誘嘅方法去強逼你消費。通常無返五六萬都幾難走,呢個就係傳統嘅黑店手法。通常呢啲方法會比較舊式,由於手法比較拙劣,現代比較精明嘅消費者其實都未必會咁容易就範。所以通常就會衍生左第二種黑店手法,就係使用冒牌機器。其實真正外國生產能量減肥機係價錢好貴,但係中國大陸就有好多翻版機器,而且即使用嘅模式係幾相似,純粹外觀上未必一定可以即時分辨出真假。翻版減肥機根本唔值錢,相比起正版機器,價錢可以只係10-20%左右,所以亦都有好多黑店使用盜版機器,但照收正版價錢,甚至有部份大型連鎖店會真假混合使用,由於的確係響代理購買機器係正式服務供應商,但亦都有混入部份假機器,咁嘅情況之下基本上係極難去偵測及避免!呢個情況出現於某大上市公司。第三個減肥纖體黑店手法,就係傳統黑店有系統咁樣利用互聯網去打擊正當經營舖頭,故意混淆視線,令到真白黑白混亂。相比起hard sell同使用冒牌機器,手法上更為複雜同埋需要小心辨別。自從互聯網興起之後,一直都有好多討論區、Facebook group等等,專門討論各種美容話題。但其實各大美容討論區、Facebook group,其實都係被某些上市美容集團長期參與,大量打手會根據商業需要去帶風向。有部份非常黑又hard sell嘅美容纖體公司,例如明知自己網上聲譽極差,亦都好難去短時間之內扭轉網上大量嘅負評,利用網絡風向去抹黑其他人,製造fake news,就可以令自己有機會成功甩身,令到部份本來三心兩意嘅顧客去重投懷抱。老實講,越平越老實嘅正派公司,受到嘅網絡攻擊同埋老屈就越多。就算一啲比較正常嘅公司例如單次收費美容中心(類似單剪),都會因為價錢平同埋可以單次消費,導致被大量黑店網軍攻擊。所以對於初學者來講,Ceci有幾個建議,評估自己經濟狀況:先自己評估自己是否具備經濟能力去完成完整療程。因為大部份美容院嘅纖體項目其實都需要持續進行,最低限度都需要做幾次,如果係抱住「純試做」嘅心態,其實減肥效果唔會明顯。到時你唔單止浪費時間,你都用咗唔少金錢周圍去試,但就未有任何效果。選擇綜合式療程:如果你自己本身抱住想試到啱先決定,建議你會選擇一啲綜合式嘅療程,例如熱光溶脂,由於療程本身已經包不同類型技術機器,可以自由選擇與及嘗試,咁就可以試到啱、見到明顯減肥效果,先至考慮加購療程。以下幾間公司,Ceci根據個人經歷認為比較好,可以優先推薦SWISS REJU 熱光溶脂評價:使用大量正版FDA機器,一個價錢已經可以任做,性價比超高推薦程度:*****黑店指數:不適用CosMax評價:價錢稍貴,有sell但係服務質素好推薦程度:***黑店指數:不適用講完推薦,就講吓不推薦!上市集團黑店呢間大型連鎖店真係差到一個點!經常投放大量廣告,極低價錢呃人去,但係經營手法極為惡劣,基本上每次去到都會話你唔適合,要你不停加錢!推薦程度:*黑店指數:非常黑,避之則吉!