襯阿奀和朋友北上尋歡參加兩日一夜食共訓團，唔得閒理我，我係屋企打下文、玩下貓、畫下公仔同發下呆咁過日晨，提早過退休人生。發呆期間諗起阿奀，發覺佢作為男朋友要兼顧嘅野原來都幾多 (阿奀：你知就好啦)，調轉係我做應該俾女仔飛左好耐，我愈諗愈覺得過癮，所以就有上面幅圖嘅誕生。 男友分唇１－GOOGLE SEARCH 我真係上至強積金點分配、轉工分析，下至手機上台plan、今晚食咩都會問下阿奀意見，佢於我絕對係菇歌神的存在。 男友分唇２－GOOGLE MAP 我習慣一搵唔到路就打俾阿奀，問佢仲快過我係google map搵路，唔知點解無論我係邊區迷路佢都好快聲控番我去正確目的地。 男友分唇３－大型暖包 我同好多女仔一樣手腳長期冰冷，阿奀本身有自動發熱功能又唔怕凍，最鐘意拎佢黎取暖。 男友分唇４－魔鏡 化左妝－靚；冇化妝－都靚；著新衫－堅靚；著得頹－一樣咁靚 哈哈哈哈 男友分唇５－食物垃圾桶 男朋友成日要食女友食剩尾的食物，阿奀都唔例外。 (阿奀：我愈來愈肥嘅原因根本因為識左你！！！) 男友分唇６－沙包 阿奀條手臂係我發洩怒氣同舒緩壓力最佳嘅妙品妙品，真係好好打，諗起都想打～ (阿奀：你個死變態) Blog: http://kongleicouple.blogspot.hk/
