是緣阿多我終於入手人生第一對像樣的運動鞋 (是緣係呢度)，立即被阿奀帶去行山。自出娘胎咁耐，行山次數一隻手都數得哂，最近期一次行山仲要係幾年前......但人愈大愈發現做運動嘅重要，心諗行山應該係輕量級運動，應付有餘掛。咁行邊座山呢，就係代表香港人打不死精神嘅獅子山！ 我地同幾個朋友早上11點係黃大仙出發，行下抖下影下，下午4點落番山。由於我冇做慣運動，行左一陣已經紅都面哂同甩頭甩髻，阿奀一路係我後面旁住我，朋友們就係前面遠遠拋離幾個馬身位。上到山頂個一刻，心情係滾動嘅，估唔到自己真係完成得到。小確幸！ 有好多馬騮bb，係樹上跌來跌去，跌極都掛到係樹枝度。好過癮點擊圖片放大 +8 不解釋。 沿途其實都幾多市民黎行山，可能我個樣太累太頹廢，有落緊山嘅行山人士忍不住鼓勵我話好快到山頂。哈哈 敢抵抗高山，攀過望遠方～～～～ 香港真係好靚。 點擊圖片放大 +5 題外話： 上到獅子山山頂我地不停唱「斜陽裡氣魄更壯，斜陽落下心中不必驚慌......敢抵抗高山，攀過望遠方～～～」。大家都覺得係獅子山上唱獅子山下好有FEEL好MATCH，幾日後我先發現呢首其實係另一首羅文名曲－前程錦繡。 Blog: http://kongleicouple.blogspot.hk/
