阿多我為左唔做運動，藉口非常多，最經常使用嘅係－－我冇運動鞋。於是阿奀成日帶我行運動用品店，想迫我入手一對真正嘅運動鞋，每次對話都係咁： 阿奀：呢對粉紅色，鍾唔鍾意？ 阿多：鍾意呀，不過幾錢？ 阿奀：$899 阿多：嘩！著左跑快Ｄ咩！唔要呢對 阿奀：。。。 阿奀(再接再厲)：呢對呢 ? 夠輕身，$699 ja wo 阿多：呢個價錢買到一對舒服嘅高跟鞋 阿奀：我送俾你喇 阿多：攞去食左佢好過 阿奀：。。。 阿奀(永不放棄)：呢對岩哂 $499 ja wo 阿多：都唔靚 阿奀：。。。 雖然阿奀話波鞋價錢係咁上下，但我冇做開運動，暫時都未捨得俾7百幾8百蚊買波鞋。如事姐，講下講下都大半年。頭先睇U Travel嘅U HK港生活，對眼即時發哂光，因為我見到「馬拉松便服及運動名牌開倉 低至2折優惠」!!! 不得了，同阿奀轉身射個三分波已經到左時代廣場專搞bazaar嘅18樓，入面已經人頭湧湧。我行左個圈已經睇中左3、4對波鞋，今次都幾多運動品牌供選擇，Nike、Adidas、Puma、Skechers、Mizuno、New Balance等等，連買行李箱嘅Samsonite都有折扣。 最後，用$330買左人生第一對正式嘅波鞋！掌聲鼓勵！點擊圖片放大 +2 補番D詳細資料先，今次開倉只係做到27/10下星期一，想買平野嘅你你你係就聽日好去喇！ 地點：銅鑼灣時代廣場18樓展銷站 日期：22/10 - 27/10 時間：11:00 - 21:00 買滿$400可以碌卡 Blog: https://kongleicouple.blogspot.com
