呢兩個星期晚晚開OT，星期六日都返公司為大型event做準備。Event正正係學生和平佔領但被扔催淚彈同噴胡椒噴霧之後開幕，每日笑住招呼嘉賓同來賓，但內心根本笑唔出。Event裡面既歌舞昇平同出面既香港係一個好強烈崎型既對比。 阿奀同朋友去左金鐘支援，我好想去，但Event期間完全冇體力同時間去參與，只可以間唔中透過facebook睇下最新消息。琴日Event正式完結，我終於可以同阿奀到金鐘，拖住手沿住條路一直行，望住周圍既每一幕感受好深... 學生坐係地度溫習功課 義工周圍執垃圾做分類回收 著住校服既妹妹不停問大家要唔要水同食物 有休息區、充電區俾大家使用 義工坐係通道旁幫忙扶住其他市民爬上爬落 亦有人自發指揮人流，以免通道阻塞 一個咁有秩序理性和平既雨傘社會運動竟然被講成暴亂。 警方扔87枚催淚彈係使用適當武力。 學生用保鮮紙保護自己被講成有意衝擊警方。 佔領人仕拎雨傘係攻擊性武器。 反佔領人仕 (其實係深圳市民) 帶住把萬用刀因為佢鍾意食生果。 警察認為被打既旺角佔領者係抵死。打人既警察會護送佢搭的士、被打既會被控告。 出黎佔領、示威要預左俾人非禮。 我地好憤慨，憤慨香港點解愈來愈顛倒黑白，點解警察執法偏差、官商勾結、地產霸權、一台獨大、政棍成日出黎講廢話都仍然繼續做議員。 實在太多太多正常人無法理解既事情發生，多到令人心痛。 我們不想要這樣的香港，所以我們走出來。 點擊圖片放大 +5 《 撐起雨傘 》撐起雨傘MV 曲：pan詞：pan/林夕 靜坐人海 你我非不怕 會畏懼這樣下去怎辦 但是人生 到了這一晚 更怕未表白內心呼喊 站在前方 勇氣驅不散 卻信越怕命運更黯淡 但是誰想 要看穿荒誕 卻會在催淚下睜開眼 一起舉傘 一起的撐 一起儘管不安卻不孤單 對嗎 一起舉傘 舉起手撐 一起為應得的放膽爭取 怕嗎 任暴雨下 志向未倒下 雨傘是一朵朵的花 不枯也不散 為著明天 要記得今晚 你我用鎮定面對憂患 若是人生 錯過這一晚 怕再沒機會任意呼喊 Blog: http://kongleicouple.blogspot.hk/
