作為公司一粒出色既小薯頭，對上有N咁多個人要服侍，特別係老闆既要求更加要即時立即想辦法滿足。老闆既要求有時都幾無厘頭，以前份工試過要幫老闆book做facial、幫佢既仔女add drop、陪佢媽咪睇醫生，明明你唔係秘書，但當你秘書咁用都算，有時我什至覺得自己係咪返左清朝，做左奴婢。當時既我年少無知 (講呢Ｄ)，認為自己唔係草莓族，唔會因為少少野就辭職，所以一路死忍，搞到每日返工好似入火坑咁難受。 非人生活過左兩年，最終頂唔順炒老闆魷魚。 好好彩而家跟著個鬼佬老闆，先由地獄又折返人間。我唔崇洋，但under過幾個不同國藉既老闆之後，真心覺得鬼佬老闆比起中國人老闆更有禮貌同會appreciate你既工作。鬼佬老闆問你拎份report都會thank you前thank you後，叫你加少少野落份report既語氣直頭驚死加重你workload咁。相反，中國人老闆梗係或多或少擺出老細姿態，令你覺得佢係高高在上。咁當然凡事總有例外既 (戴番個頭盔先)。 其實所有野只係緣於「尊重」，老闆尊重員工，自然唔會高高在上和懂得重視同欣賞員工既工作。鬼佬老闆冇架子所以請既人都冇乜架子，令小薯頭既我即使上面有咁多呀姐呀哥都過得尚算合意。而家就算成日OT都仍然返工返得好開心，心甘命抵去做隻出色的馬仔，任勞任怨無閉翳！ Blog: http://kongleicouple.blogspot.hk/
