(照片攝於2013年台北) 我們和爹娘食完中秋晚飯後排排坐睇電視，無記正播放＜我們的天空－蝸居夢＞，一路睇一路好感慨。 我愛香港，但香港愛我嗎? 我和阿奀已經盡量慳，但仍然路途遙遠。有人會話，想儲錢根本不應該去旅行去睇戲食飯買化妝品買相機同朋友飯聚 x 2046。我想講，苦行僧式生活的儲錢方法我試過，唔係唔work係唔值得。為了儲錢，失去生活，變成儲錢機器，到頭來你會發現多存的一萬幾千元連買多個衣櫃位的能力都沒有。 生活最令人無奈的是你發覺無論怎樣努力，現狀都改變不了。我們無奈並不代表放棄，錢還是要儲，窮活但都要活得有質素，活得精彩開心。以下係我倆既慳錢九式，你會發現全部都不是滿足Maslow's hierarchy of needs的最底層(咩係Maslow's Hierarchy of needs)，都話要窮活得有質素咯。 去旅行 襯廉航/旅遊網站大減價時入手機票酒店，用埋promotion code再平多幾兩。我們試過廉航價坐國泰，亦試過千七蚊買到沙巴來回連稅機票兩張。 因此，登記各航空公司或旅遊網站以取得第一手資訊是常識吧。 買護膚化妝品 襯crazy sales/staff sales/family sales或旅行當地更便宜時入手有牌子的化妝品。我大部份的化妝品(什至染髮劑或是阿奀的男士護膚品)都是經以上途徑入手。 買衫褲鞋袋 襯減價/開倉或托朋友入手，分分鐘仲平過陶寶。 阿奀的公事包是用朋友的會員折扣買的，我的手袋是托朋友用員工折扣以原價1/3價錢買的。 買書 呢樣真係唔可以唔做，精神食糧黎架嘛。銅鑼灣超大型旗艦書店訂價比較貴，所以我們最愛飯後到那裡打書釘，真想買就去附近樓上小型書店購買。最近，尖沙咀另一間大型旗艦書店做緊90% removal sale，行開尖沙咀梗係去尋下寶啦。 買電子產品 我們都不是追潮流的人，對上一部手機用了差不多四年。我剛買的手機是襯百老匯做信用卡減價優惠時買的，阿奀的電腦屏幕及Canon 700D相機則是電腦節時入手的。 去睇戲 好多電影都分2D同3D上映，若不是賣特技但又想睇，你識揀啦! 另外，好多電影公司亦會搞免費首映，想睇戲又想慳錢不妨答下問題試試。 出街食飯 某些連鎖餐廳8:30pm後會全單6折或是逢星期二會減價，想食都識揀日子食啦。其實，香港好多小店食物有驚喜而且價錢亦唔貴，花小小心機發掘特色小店都係一種拍拖情趣黎。 飲咖啡 幾十蚊杯咖啡都咪話唔貴，但有時想扮下野飲番杯咁點算? 網路上有很多問卷調查公司，每做一份問卷可儲積分，用積分換免費咖啡券既滿足小小虛榮心又沒有浪費錢。 講真，我真係唔覺得特別好飲但的確幾好坐。 買零食 本人對這方面沒有慾望，相反阿奀很喜歡吃零食，逢759減價時才掃貨也是常識吧 Blog: http://kongleicouple.blogspot.hk/
