久違了嘅飯局响一個非常歡樂嘅Blue Monday晚結束。今次我哋選擇咗响灣仔春園街一間試業中嘅餐廳食飯。 經過一日漫長嘅工作日,一入到去間餐廳,佢俾我嘅感覺真係好舒服,好relax。細問之下原本牆上面嘅畫全部都係人手一筆一筆咁畫上去架 (鐘意做手作嘅莎莎媽媽第一樣想做嘅就係…. 幫D畫油顏色) 點擊圖片放大 +2 牆上面嘅畫全部都係人手一筆一筆咁畫上去架 由於要等遲到嘅莎莎媽媽,好姐妹叫咗個Fried Chicken。呢個並唔係一個普通嘅Fried Chicken,佢個醬…. 腐乳醬真係出奇哋夾同好食! 我哋3個胃食貓叫咗3個 set dinner: 頭盤: 煙三文魚配豆豉陵魚凱撒沙律 (冇諗過豆豉陵魚加落凱撒沙律到會有咁好味嘅口感) 八爪魚沙律配柚子子薑汁 (八爪魚非一般平時食到嘅八爪魚) 是日餐湯: 洋蔥湯 知道莎莎媽媽唔飲洋蔥湯嘅老闆好體貼咁幫我換咗個雜菜湯 主菜: 慢煮蝦肉雞卷(薑蔥醬)(呢個蝦肉雞卷好好味) 日式木魚意粉配香煎帶子 (由於我哋3個掛住傾計,遲咗食個意粉同個魚。令到個意粉變得較為漏) 香煎油甘魚,迷你甘筍,油封薯仔,豉油牛油汁 (呢個都要即食,熱食一定會更美味) 仲有架:ULURU 甜品係朱古力mousses 而我哋仲叫咗3杯好靚又好好味嘅嘢飲 (從左到右):ULURU Rose Tea (Ice),Strawberry Lady,Rose Sangria 莎莎媽要咗杯Rose Sangria,好靚又好飲 (不過唔飲酒嘅你哋就冇口福啦!) 總結:唔駛講嘢,下次一定會再嚟同極力推介大家去一試! 如果大家都想去試吓嘅話可以去: instagram:uluru.hk facebook:ULURU.HK 如果你哋有嘢想搵人試用,搵我啦! 如果你哋想搵人出席活動,搵我啦! 歡迎電郵至:wearefamily20130119@gmail.com 歡迎瀏覽: Facebook www.facebook.com/wearefamily20130119 U Blog http://blog.ulifestyle.com.hk/blogger/wearefamily/ ChiBa78 http://wearefamily.chiba78.com/ she.com http://blog.she.com/wearefamily20130119/