夏天就係要玩水！今次我哋就係西貢碼頭坐船去橋咀洲上山下海！ 事不宜遲，即刻去片先～ （片入面仲帶半月灣沙灘浮潛既海底片段嫁！ 大海真係好靚） 由西貢坐船去半月灣來回船飛係$40 (可選擇去程半月灣，回程橋咀島） 一到達半月灣已經見到好靚既海灘，太陽照耀下就好似一片玻璃水一樣，晶凝通透 由半月灣碼頭行去沙灘只需5 分鐘左右，沙灘面積不大，但有救生員當值。 而且設施齊備，有洗手間、更衣室、沖身處和小食亭等等。 我哋仲係游水期間見到近礁石邊有小魚！真係好興奮🥰 游水途中見到有小魚，不過千祈千祈唔好去打擾佢哋！ 間唔中仲會有一群群既小魚經過，好懷念以前去外國浮潛既時光～ 游完水，睇完魚仔後我哋就開始行山，由半月灣出發去橋咀島既路程大約係 1.6km 連小小休息影相時間大約一小時可以完成，不過路程遮蔽度唔高，夏天去記得記得要注意補水💦 依「上山」指示登山，開始行山，開始會有比較多上樓梯路段 由沙灘上行大約 5-10 分鐘就會到達等一個觀景點，回望半月灣沙灘 之後一直行都係上上落落既路段，比較多梯級，不過勝在路徑清晰，唔怕迷路。 大約行左25 分鐘之後就到達 橋咀觀景台！ 係橋咀觀景台可以飽覽西貢各小島景色，靚到好似一幅圖畫咁！ 過左橋咀觀景台後繼續下斜就會到達橋咀島啦！ 到達橋咀島 - 連島沙洲（前方） 點擊圖片放大 於地質步道起點會見到連島沙洲既介紹及潮汐漲退時間 潮退時既連島沙洲真係好靚！係大自然送俾我哋既禮物🎁 雖然連島沙洲真係好靚，但係記得要睇住尾班船既時間呀！希望好快就有機會再訪橋咀島～
