第五代山頂纜車要退役啦!係6月28號之前同大家作最後告別,而且係退役前仲換上告別新裝。6 月28 日之後山頂纜車就會停駛6個月更換車廂。趁山頂纜車告別之前我哋就行左港島既纜車徑,邊行邊影相打卡其實走完纜車徑(由堅尼地道至梅道纜車站), 連影相時間只係需要大約 1 小時,短短一條纜車徑就可以從唔同角度欣賞山頂纜車,真係好值得!正式開始由香港公園出發,經紅棉道依指示到達山頂纜車站。 開始沿纜車徑往上行,經過Peak Tram Cafe。有咖啡有小食,仲可以係室內望出去見到纜車駛過既場面,咁就可以係室內都舒舒服服睇纜車。 經過Peak Tram Cafe 之後,繼續向上行就會到達堅尼地道,係堅尼地道可以欣賞纜車駛過橋既場面 過馬路後會見到一條小樓梯,沿樓梯直上一直行就會到達麥當勞道係麥當勞道可以從見到纜車從金鐘駛向山頂 到達山頂纜車站 - 麥當勞道後 於麥當勞道沿斜路一直上再轉右行樓梯到達馬己仙峽道馬己仙峽道亦有另一個山頂纜車影相位,可以見到長長一條向上既纜車 繼續向上行!由馬己仙峽道轉入蒲魯賢徑再轉入高化利徑就會到達梅道,亦係山頂纜車既下一站。 從梅道山頂纜車站可以近距離欣賞纜車穿過天橋既場面 由於再行上去山頂纜車既最後一站有少少遠~所以今次我哋無去到,希望下次更氣涼爽啲我哋再戰!! 今次短短既纜車徑就係呢度結束,可以由原路返香港公園又或者回馬己仙峽道坐小巴落中環站。