自從上次到訪過荔枝角公園之後，先發現原來香港仲有咁多有特色既公園。今次適逢香港花卉展覽移師至各區既公園舉行，我哋就再次到訪荔枝角公園。欣賞完荔枝角公園嘅西方園圃後，仲去埋九龍公園睇東方園圃既設計，即刻去片！上次提過嘅荔枝角公園神秘小花園仍然係度，大家睇花展之餘都可以過去睇下～好啦！入正題，今次既荔枝角公園西方園圃係用童話世界既形式展現。現場所見雖然園圃嘅範圍不大但佈置頗用心，有唔同品種既花襯托住今年既主題花 - 杜鵑花。 除咗為期一個月既花展外，其實荔枝角公園仲有一個四季花床！ 一邊係公園散步一邊欣賞唔同品種嘅花，正正可以感受一下春天嘅氣息。 欣賞完荔枝角公園既西方園圃，仲可以去埋九龍公園睇埋東方園圃。同荔枝角公園一樣，九龍公園都係用上大量既杜鵑花做主調。 唔同嘅係九龍公園係以中式涼亭、小橋流水做主題，呈現出另一種美。如果係近日落時間到達仲可以順便欣賞埋日落～ 小提示：九龍公園既花展位置係係游泳池嗰邊，係彌敦道美麗華酒店對面嘅入口進入九龍公園直行就會見到嫁啦！～
