就嚟踏入十二月,即使係疫情下香港街頭嘅節日氣氛都逐漸濃厚。 今次我哋就同大家先去尖沙咀欣賞最近大熱嘅 2大聖誕燈飾!馬上去片! 聖誕燈飾:尖沙咀篇 尖沙咀海港城: 「海運觀點」-「聖誕燈飾花園」 P.S. 入場前要預先在KLOOK APP 預約 (人多時未必有得Walk-in) KLOOK預約網址: https://www.klook.com/zh-HK/activity/51585 每年一講到聖誕燈飾一定會先諗起海港城!今年佢哋都無令人失望! 一入門口就感受到滿滿嘅聖誕氣氛同滿滿嘅人潮~ 不過今次我哋嘅重點係位於海港城lcx 上面嘅「海運觀點」自開放以嚟都係睇日落同欣賞維港景色既好去處。 今年聖誕節更加特別,係其中一邊觀景台上增添聖誕佈置而且於 6 點後更有燈光音樂表演。 一邊欣賞維港景色再睇埋會配合音樂閃動嘅聖誕燈飾,真係一個好完美嘅飯後節目。 (小小Tips:如果預約到 6 點呢個時段就好大機會可以同時睇哂黃昏日落至入黑既聖誕燈飾) 如果去到海港城但係唔記得預約嘅可以問下當日有無得排walk-in (不過如果假期前後去都好大機會冇得walk-in,所以記得要早啲預約呀!) 如果真係無得入去亦都可以去另一邊既觀景台,嗰度擺放左幾個配有燈飾嘅帳幕 可以坐入去影吓相,休息下再出去行街! 第二站我哋就去左尖東麽地里睇飄浮燈海 麽地里係位於尖沙咀中心和帝國中心之間既一條短短既街道 掛上左燈飾係 2 棟大廈之間後真係好似一個飄浮係馬路中間燈海! 令到原本並唔繁忙既街道增添左唔少到場影相既人亦令街道更顯溫暖。 最後總結一下我哋今次就係去左呢 2 個地方影聖誕燈飾!下次再去其他區睇下先! (1) 尖沙咀海港城: 「海運觀點」-「聖誕燈飾花園」 P.S. 入場前要預先在KLOOK APP 預約 (人多時未必有得Walk-in) (2) 尖東麽地里:飄浮燈海 (位於尖沙咀中心和帝國中心之間,近九龍香格里拉大酒店)