今日為大家介紹呢條壁畫村叫做楮田壁畫村。去嘅方法好方便。係南浦站8號出口，樂天百貨旁邊搭190號巴士，坐大概40分鐘，係東大新2洞落車。大家認住呢條花花樓梯， 當見到條樓梯係右手邊出現就要落車啦！呢條花花樓梯對面行落去就係壁畫村嘅起點。 落到最低就係壁畫村嘅入口。你會見到個小地圖介紹每一個區。成個壁畫村分為六區。唔好以為有六區好似好大，其實每一區只不過係一條巷仔。 大家行嘅時候記得小心啲樓梯級。 呢度唔算有太多嘅壁畫，但係都有一啲得意嘅裝飾喺啲休息位。 點擊圖片放大 因為啲壁畫穿插係啲民居裏面所以大家參觀嘅時候記得唔好太嘈。 呢隻狗係我嚟其中一個目的。 大家行完6區之後可以上返花花樓梯坐回程巴士返南浦站。係落車嘅位置可以坐70號巴士或者喺落車對面坐返190號巴士。 當日我選擇沿住190號巴士行咗大概一個小時。如果坐190號巴士上嚟嘅你相信係你嘅途中都會見到好多壁畫喺樓梯上。其實呢條路就係叫做望洋路。當櫻花季節成條望洋路都會見到櫻花。好可惜我去嘅時候已經冇晒櫻花。 點擊圖片放大 因為之前幾日已經行咗好多路同樓梯所以只可以行到大廳公有停車場就要打道回府。係大廳公有停車場頂層有個展望台。如果行入停車場可以坐電梯上展望台。 其實如果我堅持多少少就可以去到灜州洞上坡單軌列車。相信可以留待下次櫻花季節在嚟完成呢條望洋路。
