早前去釜山第一日我買咗張釜山地鐵 1 day pass。 Day pass 要 5000 won。釜山地鐵最平都要1300won 一程所以如果一日坐多個5程地鐵就一定可以回本。大家要記住呢張day pass 唔可以由金海機場坐輕鐵到沙上站㗎! 我第一日嘅行程非常緊密當然可以回本啦！一落到機坐輕鐵去到沙上站返酒店放低行李（廣安站)。之後去咗中洞站食我最愛嘅水冷麵。如果大家有興趣可以到中洞站10號出口直行過一條馬路大概5分鐘就到。 第二站就係去咗Centum City 站。坐完凌晨機冇乜點瞓梗係要去Spa Land 差個電先啦！如果下次大家同我一樣都係坐釜山航空記得留返張boarding pass因為會有七五折㗎! 第三站就快閃西面站。其實都逗留左兩個幾鐘，完全足夠我行咗個地下街同食咗個飯團。 之後就去咗1號線嘅尾站，多大浦海水浴場站。如果大家之前冇睇過我寫有關於多大浦可以check 入以下條link睇返。 https://blog.ulifestyle.com.hk/blogger/wclau917/2018/06/%E9%87%9C%E5%B1%B1%E4%B8%80%E8%99%9F%E7%B7%9A%E5%A4%9A%E5%A4%A7%E6%B5%A6%E6%B5%B7%E6%B0%B4%E6%B5%B4%E5%A0%B4/ 睇完個音樂噴泉都成晚上八點半，坐左成差唔多兩個鐘頭地鐵返去酒店。 大家睇完我第一日嘅行程都坐左成六程地鐵可算係回本成功！不過第二日發生咗件小插曲，就係我唔見左張T-money 卡。所以人生就係咁整定。希望今次嘅分享幫到大家啦！
