當plan 釜山嘅行程時候，知道有個叫做多大浦夢幻夕陽噴泉。其實我好鍾意睇噴泉表演。起初以為要坐巴士先至可以去到，但係原來地鐵1號線已經可以直達新車站多大浦海水浴場站。 之前上網睇清楚知道表演時間係喺夜晚八點鐘，所以我大概六點鐘先至去到。如果想睇噴泉表演地鐵站4號出口直行大概5分鐘就到。因為我做到成兩個鐘所以我就行咗出去2號出口。原來除咗沙灘之外多大浦仲有一個海濱公園行棧道。感覺上有啲似濕地公園。絕對係一個睇日落嘅好地方。 多大浦仲有一個叫做峨嵋山展望台，不過又係樓梯同斜路所以我就放棄左。 行返番轉頭其實就係地鐵站4號出口。行大概5分鐘就會見到表演場地。但係因為未夠鐘所以我就行咗去沙灘。沙灘中有兩件係術品，喺左手邊有個小島，我相信係潮退嘅時候可以行過去。因為我唔想整污糟自己對白波鞋所以我只係遠望。旁邊有一啲櫈可以當千秋。 表演前有毛毛雨，好彩當表演嘅時候就已經停咗所以擺放旁邊嘅膠櫈都有少少濕。八點鐘開始表演但天都未完全黑晒。本身鍾意睇噴泉嘅我覺得都幾好睇。色彩繽紛。表演大概15分鐘到。表演完之後噴泉有繼續開放比啲觀眾近距離係噴泉裏面影相。當然小朋友可以玩水啦！ 因為我住喺廣安站，坐左成個半鐘先至可以返到酒店。但係如果你住喺南浦或者西面就會近好多。如果夜晚冇嘢做其實不妨去多大浦睇睇亦無妨。我知道噴泉旁邊亦有好多燒海鮮嘅餐廳。
