講到釜山影島大家會諗起太宗台，其實仲有一個隱蔽展望台叫做青鶴配水池展望台可以遠望釜山港大橋嘅景色。 介紹呢個展望台之前想為大家介紹一個Cafe 十分吸精。因為每個人去之前嘅起點都唔同所以我建議大家用Naver Map 搜尋最好方法。以下是cafe 的地址方便大家cut and paste 以便搜尋。 부산 영도구 청학동로 16 Carin 其實係一個歐洲眼鏡品牌，仲搵咗秀智做代言人拍咗條宣傳片： https://www.youtube.com/watch?v=ikilXViA6MA 講返間Cafe，佢哋嘅裝修真係好簡潔，最可惜係我去當日有幾層都正在裝修。上唔到去最頂樓 。Cafe係自助形式，自己落單自己搵位。飲品同食物其實選擇唔多，純粹嚟食個景。呢個set價值12,000won。 第一層係落單嘅地方。放咗架古董車裝飾。 第二層係佢哋嘅showroom。 因為裝修關係佢哋只係開放第三層。 我扮無知上多一層影左張相。最重要佢個頂樓我上唔到。真係有啲失望！相信大家可以係秀智條片睇到間Cafe 有幾吸精。 其實我嚟仲有第二個目的，就係去青鶴配水池展望台睇夜景。我去嘅時候係六月份大概八點鐘先至天黑。大家如果有心睇夜景就要就啱時間為免太早去吹西北風。其實個展望台同Cafe相隔好近。路程唔多於10分鐘，但因斜路關係我都用左一定嘅氣力攀上去。 一出到門口按照Google Map嘅方向一路直行，就會見到一間鋪頭仔，對面打咗粒星嘅位置就係展望台入口。記住呢間鋪頭仔啊，因為對出個巴士站有架5號村巴返去南浦嘅樂天百貨。攀完條斜路之後仲有百幾級樓梯等緊你。展望台唔算大，但係絕對可以睇到好空曠嘅景色。 因為我部唔係專業相機所以影嘅夜景唔係甘prefect, 其實喺釜山官方網頁其中一張釜山夜景相就係係依度影㗎啦。收咗太陽嘅時候都有啲風，大家記得帶多件外套呀。 終於比我天光等到天黑 。相信識影相嘅你一定可以影得比我好。 點擊圖片放大 個人應為間Cafe 絕對係一個打卡勝地，傍晚仲可以去展望台睇釜山夜景，絕對係一個好選擇。
