遇見花蓮未去台灣花蓮玩，今日先去「遇見花蓮」食野，呢間台灣菜餐廳門口都係有一級，又喺出動我塊斜板嘅時候！入到呢間餐廳好大好闊落，裝修又靚，坐得好舒服又好光猛，好啱輪椅人士一齊食野，如果能夠解決到門口一級嘅話！我哋叫咗兩個下午茶set，再加4個小食！1. 花雕雞卷魯肉飯配紫菜貢丸湯及地瓜條$46+黑糖珍珠奶茶$8（8/10）呢個下午茶set有2舊花雕雞卷，花雕雞唔夠花雕酒味，魯肉飯都ok，紫菜湯入面有切咗粒嘅貢丸幾好飲，炸地瓜條有4條，炸得夠熱，好有蕃薯味，仲有半隻糖心蛋添！黑糖珍珠奶茶跟餐有優惠只係加$8，散叫要$28，呢杯珍珠奶茶好滑，茶味無搶到奶味，又唔甜，每一粒珍珠好煙韌彈牙，好好飲！2.慢烤雞腿蛋吐司$38+黑糖珍珠奶茶$8（9/10）呢個下午茶set好抵食，慢烤雞腿蛋吐司散叫都要$48，依家$38就有得食，仲可以加$8叫黑糖珍珠奶茶，呢杯珍珠奶茶好滑，茶味無搶到奶味，又唔甜，每一粒珍珠好煙韌彈牙，好好飲！呢個雞腿吐司加埋半熟流心蛋，份量好足夠，雞腿肉質嫩滑，唔錯！3.十分甜不辣$28（7/10）一碟有8條，好Q彈！4.士林鹽酥雞$36（8/10）一份鹽酥雞有7舊，炸到外脆內juicy，好好食！5.士林鹽酥魷魚$38（6/10）一入鹽酥魷魚有13舊，我覺得好硬，估計炸完放喺廚房耐咗少少先比客！6.古早芋泥肉鬆蛋餅$39（9/10）呢個蛋餅超好食，一碟有4件，入面熱辣辣兼有爆多芋泥，非常正！2人總共價錢$241個人口味總評分：7.83/10地址：北角電氣道183號友邦廣場14-15號舖#遇見花蓮 #台灣菜 #香港美食 #北角美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong點擊圖片放大 +17
