DAY 2~ 2016-10-15 (Sat) 太宰府●鳥栖TOSU PREMIUM OUTLETS® 8點就起身, 趕住搭 〈西鐵電車-旅人〉 去太宰府~ 不過首先係〈天神地下街〉食個早餐先, 〈VIE DE FRANCE〉見到入面D包好靚又有座位, 就入左去食了, 收銀員知道我地堂食, 仲幫我地放入微波爐叮返熱 :) 左上個芝士包最正, 右面個蘋果包都唔錯~~ 西鐵站好容易就搵到, 日本既車好準時, 會早十分鐘到站, 我地可以上去影住相先! 我地係搭第一班太宰府既西鐵電車, 0946-1014, 好準時就到左! 一早plan左要去試試 〈暖暮拉面〉 , 雖然十點幾咁早, 但都走去食lunch!! XD 見blogger多數都推介有芝麻果種拉面(730YEN), 所以都叫左個, 我男友果碗就係有糖心蛋既 (680YEN)~ D 面質的確幾好既, (冇係香港食既一蘭咁味精同咸), 芝麻都好香, 但其實都係普通好味, 可能上年係大阪食過更好味既, 而家覺得一切都好普通。 咁佢又對得起個價錢~ 跟住就開始行太宰府! 係幾靚既~不過好細, 比預定時間短好多就行完, 12點幾就離開啦! 點擊圖片放大 +6 試左個地道野食--梅之餅 (其實只係紅豆餅XDDD) 同埋梅味雪糕 (好鬼酸不過好醒神LOL) 之後就搭車走LU! 點擊圖片放大 然後行程就係咁既: 1230 [太宰府->二日市駅7 mins] 西鐵電車 ->步行至二日市JR駅 , 途中經過古廟, 又去左打卡~~ [二日市->鳥栖 20mins] JR ->巴士(210 YEN) 15mins 1400 鳥栖 TOSU PREMIUM OUTLETS® 之所以要轉去JR駅搭車, 係因為今日我地已經開始用JR PASS了, 買左梗係要狂搭啦, 計過數咁樣又慳左廿幾蚊~ 以下係JR鳥栖駅 要搭既巴士~~ 點擊圖片放大 +4 TOSU PREMIUM OUTLETS 好靚, 有歐西風格~~ 咁岩佢有萬聖節裝飾, 好過平日來~ :D 不過雖然好多人對哩個outlet一致好評, 我又反而揀唔岩野, 我男友都係, 最後兩手fing fing就離開左, 哩度如果落雨係冇野遮頭的, 我地將所有寄望放係下一個outlet~~ :D (預告: 之後我真係大出血啊!!!) 最後又比預定時間早左好多走, 4點半就出返 博多駅 喇! 決定食個早飯, 晚上太多人了! もつ鍋笑楽 牛腸鍋 (博多駅中央街1-1, JR博多シティ 10F) :( :( 我地今次真係中哂伏喇! 見出名就試下啦, 點知唔係我所想既牛腸, 係一舊舊既肥肉呀!! :'( :'( 我地仲叫埋馬肉刺身, 唔知佢太厚切定我地唔識欣賞, 咬極都咬唔爛... :( black listed :( 好大舊肥肉... 咬極唔爛既馬肉 超級失望... 之後周圍行下街, 天神周邊都幾多野睇的! :) 哩個宵夜正呀!好CREAMY!!!!! 大力推介!!! 八天堂!!! 點擊圖片放大 +3
