第一次去九州, 知道交通應該冇大阪咁方便, 所以一早就要plan好哂點搭車, 首先比大家睇下個行程啦！：） （今次遇到好多怪事, 走果日香港８號風球, 搞到要轉第２日走, 原本係8日7夜, 咁而家都係開心既，不過都搞左好耐！） 時差: 日本比香港慢一個鐘~ 交通: 大致有3種公司: 地下鐵, JR, 西鐵(巴士/電車) IC CARD係通用既, 不過大家都會買JR PASS, 顧名思義, 只可以用係JR,其他就要分開比錢喇! 今次我又係坐HKEXPRESS去, 1250~1720, 好準時就到左福岡機場~ 至於電話卡就係淘寶買, 8日plan 頭3GB 係4G, 之後就3G => HKD $64.4 其實好夠用,我最後用左1GB幾咋! 所以買1.5GB 4GB果個 =>HKD $45 應該岩用D 九州機場離市中心好方便, 〈福岡空港駅〉 去 〈博多駅〉, 只需要5分鐘, 但需要搭機場入面既免費接駁巴士出 機場地下鐵駅, 都要坐15分鐘架! 頭幾日我地都住係 〈天神駅〉, 所以要搭多4個站, 首先去酒店check in先 - 〈福岡天神MyStays酒店〉 網上買的,要到付,平均HKD$526 一晚, 都幾抵, 因為位置都唔錯, 好近天神地下街既入口 之前係大阪住過極細既酒店, 哩間都算係咁啦! 放低行李之後,由 〈天神駅〉 搭返去 〈博多駅〉 搵食~ 本身想試牛腸鍋既,不過又爆哂位 (原來今日happy friday!) 搵到8點終於搵到一間有聽過既 〈遊食豚彩Ichinisan〉 | JR博多城/AMU PLAZA 10F 叫左個豚肉餐+一D小食=> 5600 YEN, 都幾貴, 不過肉質又真係好唔同, 都值得試一次既! 吉列豬都好正! 食完之後去左博多車站超級出名既〈il FORNO del MIGNON〉 究竟有咩魅力令到佢經常都排長龍呢? 佢有幾款口味, 杏仁, 明太子, 原味, 朱古力, 紅薯. 即買即食, 好香同埋好足餡, 百幾YEN 100G, 可以食多幾次 :) :) 食飽就去搞JR PASS, 本身係飛機上已經買左 HKD$729 = 10000 YEN 5日 plan(但而家兌74X, 所以抵左) 拎住買左既單去車站劃位 (買左JR PASS 可以任劃16次位既) 由布院之森 9點半果班JR 已經滿左!!! :( 早四日買都滿, 已經盡力了, 唯有買10點半! 所以奉勸各位要多加留意了 :( 聽說中州-屋台有好多路訪攤, 所以就決定行過去睇下, 由〈博多駅〉行去屋台係半個鐘內,邊行邊周圍望咁樣, 最後去到屋台河邊,只有3檔開左, 之後入面街全部都係無料案內所, 好多西裝既牛郎企係度.... 冇其他野睇, 於是去左Foodway超市 買下野~ Foodway超市好方便的, 再落一層就係〈中州川端駅〉既入口, 超市隔離有間藥妝 (後來格過價,都幾抵! 要買就記得買滿5000YEN退稅啦!) 最後搭地下鐵回〈天神駅〉差唔多11點~ 返去食宵夜!! :D
