相信鍾意食地道泰國菜嘅朋友一定會認識Mango Tree，個人都好鍾意餐廳內裝潢優雅，最重要就係可以望到海景。特別圓方店環境非常舒適真係啱哂三五知己一齊去。 疫情關係好多餐廳都推出好多性價比極高嘅套餐選擇，Mango Tree 亦不例外，我同朋友今次就揀咗 新春海鮮饗宴而且仲有會員買一送一優惠，而且仲可以即時申請真係好抵呀！ 新春海鮮饗宴當中包括有辣椒膏原隻帶子、原隻椰皇燉燕窩、炭燒珍寶河蝦、砂煲粉絲焗肉蟹、青檸辣椒明爐蒸銀鰽魚、甜品拼盤。 辣椒膏原隻帶子賣相色彩繽紛相當吸引，帶子亦相當厚身，最重要唔食辣嘅朋友都啱食。而食落去相當惹味且帶子亦很新鮮，隨後更有金不換陣陣香氣，相當出色。 原隻椰皇燉燕窩呢個天氣飲到碗暖湯真係暖在心頭，而且湯頭配上椰皇清滋之餘帶有椰香，加上燕窩更加滋補。 炭燒珍寶河蝦珍寶河蝦其實都幾大隻，而且炭燒關係更帶有炭燒香氣，個人就鍾意佢嘅蝦膏相當豐富，甘甜美味。 砂煲粉絲焗肉蟹今個套餐覺我最出色菜式之一，特別份量真係好多，而老實講肉蟹需好，但粉絲真係無敵，因為粉絲吸收哂肉蟹嘅精華，相當回味，肉蟹肉質同樣鮮甜，鍾意食蟹嘅朋友一定唔會失望。 青檸辣椒明爐蒸銀鰽魚其食到呢刻其實都相當飽，呢個套餐真係抵食之餘真係要推介。銀鰽魚魚肉嫩滑火喉真係剛剛好，特別酸辣口味更令人愈食愈開胃，所以同朋友都忍唔住清哂成條魚。 甜品拼盤食到最後當然要開動埋另一個胃幫手先得，食泰國菜當然唔少我香芒糯米飯、泰式斑蘭千層糕、椰汁西米糕，食埋呢個出色嘅甜品真係完美嘅句號。 飲品方面佢哋同樣出色，今次另外點了Thai Sangria、Rose Apple Delight。整體味道唔會過甜，且帶有豐富嘅新鮮水果味道，而且仲可以揀有無酒精，相當貼心。
