泰國食物種類非常多，串燒、海鮮、麵線樣樣都不同風味，令到好多香港人都對泰國食物情有獨鍾，最近就見到呢間新開泰國麵店當然要試一試啦。 餐牌內主打多款泰國麵線，以及不同小食可供選擇。 最後我就揀咗牛肉船麵金邊粉底。 上枱時已有濃濃牛肉湯香味，湯底味道清甜非常濃郁。 金邊粉亦好滑溜，沾上湯汁一齊食相當惹味。 牛肉船麵當中有：牛肉丸、牛肋條、生牛肉。 牛肋條肉質淋身，牛味相當重。牛肉丸則十分彈牙。整體材料都好豐富。 炸雞皮，襯熱食時相當脆身，而且唔會覺得油膩，唔錯。 串燒（雞/豬） 可以淨雞肉串或豬肉串或雙拼。 串燒味道真係好似係泰國食嘅一樣，加埋沙嗲汁真係可以食唔停口。 最後就叫埋個椰青水，佢仲俾埋個冰底我相當貼心。
