唔知有冇SIS同我有一樣煩惱,就係天生頭髮薘鬆又卷,非常唔順滑 ,比人叫獅子頭 到負離子直髮盛行時,簡直就係我既救星呀,但又係另一個惡夢既開始...... 因為我每九個月就去電一次頭髮又留長頭髮,搞到D頭髮真係好傷,我諗個髮尾起碼經歷過3次負離子,咁又點會唔傷呢 證據請看下圖= = (頭髮真係好難影得清呀,本身我想影埋開叉,發現以我既技術真係影唔出,大家將就睇住先啦) 因此我買既頭髮用品一定要係修護為主,之後都係修護再修護 因為我試過去旅行冇帶自己既頭髮用品,結果D頭髮連梳順都有問題= = 所以話,我個頭對頭髮用品真係好揀擇,唔知今次LUX日本晶鑽極致保濕系列又岩唔岩佢胃口呢? (1)LUX晶鑽極致保濕洗髮乳HK$49.9 / 500ml & HK $25.9 / 200ml (屈臣氏獨家發售) (2)LUX晶鑽極致保濕潤髮乳HK$49.9 / 500ml & HK $25.9 / 200ml (屈臣氏獨家發售) (3)LUX晶鑽極致保濕護髮霜HK$39.9 / 190g 依個系列最特別既地方就係有透明質酸成分, 說明話使用7天間保濕乾旱髮絲,令頭髮如晶瑩剔透的鑽石閃亮 特別適合經常頭髮造型,吹頭,電染既頭髮使用! 佢地既質地係咁樣既,唔好睇洗髮乳好似好水,其實都好容易起好多泡架 唔睇咁多先,睇用前用後對比相先: 點擊圖片放大 +4 使用7日後,睇得出有改善吧!!!!@@ 頭髮既光澤感UPUPUP,頭髮冇咁扁榻,亦會太油 而且洗髮乳既香味我真的好鐘意,都維持到好耐架,成日都自己聞到自己D頭髮傳出香味,人都開心D 我自己用護髮霜時會配合焗髮帽使用,有層膠有層布個隻呢(LOGON,卓悅有售) 用完後,D頭髮柔軟到,你覺得入面充滿水分呢!! 不過個人認為500ML版既洗髮乳同潤髮乳既樣有明顯既分別, 但200ML版就只有下身企唔企到依個分別, 我沖涼朦朧間要睇清楚先用得,對我依D近視人黎講有D唔方便 而且我D頭髮真係太乾太毛躁啦,使用7日我既毛躁既改善程度不大,希望使用一個月後再同大家報告一下啦
