感受死海礦物的守護吧！－－ AHAVA 璨亮肌底防曬日霜 SPF 20 （Thanks to Utravel ） AHAVA 這個以色列牌子偶爾都係雜誌見過，我會印象深既原因係佢主打死海礦物護膚。基本上一提到死海，就唸起一個個塗滿成身死海泥（連頭髮都唔放過）的泥人，可以話死海礦物係愛護肌膚既恩物，一直深受愛載。而AHAVA 所有護理產品都係採用天然死海水、鹽、泥，又唔會用動物做測試，所以我覺得佢係一個會令人身．心．靈都變美既品牌。 講返AHAVA璨亮肌底防曬日霜，其實我幾鐘意佢將Age Control （抗衰老）同防曬兩個功能放埋一齊，因為紫外線除左曬黑我，另一樣最傷就係老化肌膚。所以我係偏愛特別抗衰老的防曬霜。 值得一讚係 AHAVA 個包裝，打開後有一層密封的錫箔紙，較衛生，完美保存產品的營養 （不要撕晒張錫箔紙，只打開一點點，用完還能蓋著喔～防止日霜接觸更多空氣） 佢有一種清清地既花香，聞落有很輕微很輕微很輕微的沖鼻（仔細聞多幾下先覺） 哈哈～佢既顏色，質感好似麥當勞軟雪糕喔 （下次雪凍用，可能仲似）～～ 像軟雪糕溶溶地、極幼滑的texture，一推就開，輕而易舉就在肌膚上塗了一層很貼服、很透薄的保護層，效果在水感和油感之間，感覺好舒服自然，肌膚的柔滑度和光澤度200% up～ （下面第4幅圖，上半part 的手塗了後，明顯較下半part 更有光澤，感覺唔著眼，好自然，完全唔heavy） 點擊圖片放大 +2 真人示範： 一塗一推，好快就搽好。 先搽半邊面。 左邊面明顯好有光澤，完全反射晒光線！（左右都開了燈架！） 搽晒全面既效果！抬起頭 & 打晒燈，超有光澤不解釋！ 剛剛搽完後，本來想講佢唔係好夠濕，但係！！！好神奇，我就咁頂住這塊臉出去一日（無搽其它野，only AHAVA），到最後出既臉油比平時少，一點乾爭爭既感覺都無。 所以佢唔似水凝狀既保濕cream，一搽就會覺得有水滲入皮膚，瞬間變似飲左水；而係它會keep住唔會乾，像潤物細無聲，細水長流一般，持續既效果反而比保濕cream更好！ 佢還會撫平幼紋、改善色斑（這兩點我唔sure，因為我未有嘛），加埋保濕、防曬，接近全面守護到肌膚，如果旅行時就帶佢同洗臉奶，唔止臉，連行李都無咁heavy！ 附上一些小資料： AHAVA璨亮肌底防曬日霜(Age Control Even Tone Moisturizer SPF20) AHAVA在希伯萊語中是“愛”的意思。 AHAVA 是唯一間獲國家授權開採死海礦物資源的護膚品公司，在死海地區的天然資源上有得天獨厚的優勢。 功效 具高度抗氧化、全面抵擋黑色素形成 撫平幼紋 改善色斑、均勻膚色 24小時持久保濕 成份 VF Brightening Accelerator ComplexTM：抑制黑色素形成 Urban complexTM + SPF20： 防光防護層, 提供肌膚雙重屏障以抵禦UVA/B 等紫外線傷害, 防止黑斑形成及預防皺紋 3D ComplexTM：減少細紋及初見皺紋 Osmoter, 維他命B5, 乳酸鈉：24小時持久保濕
