特別嗚謝 《 iTrial by iMORE 萬人體驗團》 包裝係好靚既眼影盒，黑色好型，雙頭棒剛好每隻色用一邊，而且軟綿綿，畫落眼一點都唔痛，棒頭用水一洗就乾淨晒，無毛無線頭，畫眼妝時可以更加揮灑自如。美中不足係無鏡（我明白佢想個蓋做到透明睇到入面四隻色，但係佢仲有一條一吋寬既黑色邊，可以加塊窄窄地既鏡）同埋只係得一支眼影筆（如果有多一支，就可以四隻色配四個筆頭，唔洗怕日子耐左就變色）。 一盒有四色，變化可以好多，而且同一色系，絕對唔會襯錯，推開後粉好幼，一上色眼影就唔易掉落，新手都好易上手。我最滿意四隻色，因為易襯之餘，仲一物兩用：用手指印一些粉紅色，可以塗上面頰當腮紅，銀白色塗上鼻樑，睇落更筆直，紫色同粉啡色可以打陰影，輪廓更加分明，啱晒補妝。
