2015年11月10日 (火) 二日目 熱海→靜岡→清水→CENOVA→青葉橫丁「靜岡關東煮」 去完小丸子樂園可以搭免費shuttle 走 但回程嘅shuttle 係直去JR清水駅 唯有自己行返去静鉄新清水駅啦～ JR清水駅 其實當時都落好大雨下... 好彩沿住銀座商店街行都有瓦遮頭 但4點幾啲鋪頭都關晒門好冷清@@ 而且個天黑得超快！！ 穿過咗450m 長的商店街個天已經黑晒仲行雷添 x.x 之後猶豫緊係咪要搭lift 上天橋之際向一位姨姨問路 咁啱呢位姨姨同樣要到新清水駅搭車就一齊行了:D 但可以打開話題係因為姨姨問我係咪台灣人www 知道我係香港人後姨姨居然講得出我哋上年有黃色雨傘運動 :O 然後講起雨傘姨姨再講日本今年天氣好反常 11月的静岡唔應該會咁樣落雨同行雷咁話 鳴鳴...呢個時候當然呻吓一場來到見唔到富士山啦 T_T Anyway 難得喺清水認識到呢位姨姨 唔知醜地請姨姨陪我到小丸子backdrop 影相留個念 hehe 新清水駅 然後知道下下班係小丸子列車 姨姨仲陪我等搭小丸子添！！ 最後姨姨搭了兩三個站就要落車喇... 雖然冇跟姨姨交換任何聯絡資料 但呢位姨姨都係我呢個trip 值得記下嘅人 :) 新静岡駅 小丸子返到嚟新静岡就去行下CENOVA 先～ 雖然11月中都未到已經放了聖誕樹*V* CENOVA 呢個11月嚟日本真係lucky 因為雪糕店B-R 31 ICE CREAM 推出咗只係11月期間限定嘅TSUM TSUM 雪糕杯*V* 咁啱CENOVA 三樓 有分店當然即刻買返杯啦～！ TSUM TSUM 杯一共有三款 31アイスクリームのつむつむトリプルポップ 雖然論character 的話鍾意PIXAR 同FROZEN 的多啲 但因為Mickey Minnie 的紅色好靚好Christmassy 就揀咗佢haha 雪糕可以揀三球但已經唔記得點咗咩味lu :P 31アイスクリームのつむつむトリプルポップ 坐低相機食先～～ 31アイスクリームのつむつむトリプルポップ 行下CENOVA 地庫個静鉄超市 見到一枝枝印咗日本畫風Disney Princess 嘅益力多真係靚到想買晒返去！！ 超愛日本畫風嘅公主呀*V* Disney Princess x Yakult 行完超市返去酒店抖下先～ 之後再出發到青葉橫丁試吓静岡名物－「靜岡關東煮」(静岡おでん) 沿途中仲遇到小丸子巴士yeah 静鉄バス 由新静岡駅行去青葉橫丁都有一段路程 未去過加上天黑都行咗差唔多廿分鐘先搵到呢條橫巷仔@@ 回程認到路其實只需走十分鐘到～ 青葉横丁 青葉橫丁就係一條佈滿「靜岡關東煮」店鋪嘅橫巷 見到間間門前都掛上紅燈籠、布簾，仲有燙門真係好傳統日式地方呢 :D 青葉横丁 咁多間去邊間好？？ 青葉横丁 其實早喺出發前已經鎖定咗呢間得到好多台灣人推介嘅「大媽關東煮」(おでんや おばちゃん)！ 果然嚟到望入去係坐滿人似的 :O 到底等唔等好呢？？ 其他又一係都好full 一係冇咩人... 唔想亂咁撞入一間都係拉開「大媽關東煮」道門問吓先～ 青葉横丁 入到去又原來仲有一個空位喎 :D 店入面都係坐滿放工啤一啤嘅客人～ 突如其來亂入一個遊客好似怪咗啲 (^_^;) 但係！！ 由我點餐一刻起老闆同其他客人知道我係香港人就好好奇開始同我聊起上來了！！ おでんや おばちゃん 雖然老闆比咗個又有相又有中文嘅menu 我睇 但太多款嘢食揀睇到都花多眼亂 第一碟就純粹按老闆推介的揀啦 串牛腩最好味～！ おでんや おばちゃん 第二碟個豆腐係其他客人推介的 食落係好好好juicy!! おでんや おばちゃん 其實成餐飯掛住講啲關東煮都凍晒 (^_^;) 唯獨記得有位客人突然請我食碟烤魚烤得好脆平時麻麻魚嘅我都可以食晒 :P 係真係食晒因為連啲骨都食得架～正呀！ おでんや おばちゃん 另外老闆有本專係比外國客人寫嘅留言冊 等我都留返個言先～:D おでんや おばちゃん 每位客人埋單後，老闆都會送上杯梅子茶(?) おでんや おばちゃん 總括嚟講食完呢餐後難忘嘅唔係味道而係人情 :) 呢晚能夠體驗到居酒屋坐埋一枱就係伴嘅文化真係好開心！！ P.S. 老闆聽到我係睇台灣blog 先識嚟，知道佢間店深受台灣人歡迎，然後我答應佢要多多同香港朋友宣傳大媽關東煮，將來要多啲香港客先得！haha ---End of Day 2--- . Instagram: @wanderluststella Facebook: WanderluStella . 「一人探友達の旅」行程： Day 1: 香港→東京(成田)→熱海 Day 2: 熱海溫泉→新靜岡→清水(小丸子樂園)→新靜岡CENOVA→青葉橫丁 Day 3: 清水(三保海岸)→日本平
