2015年11月9日 (月) 一日目 香港→東京(成田)→熱海 朝早9點機，7點鬆啲先到達T2 ^^" Check-in 人龍當時打晒蛇餅 輪咗幾回先發現9點飛成田的可以到另一counter 優先check-in... 然後冇諗到去程的行李都可以超重！！ 今次拖兩個喼... 一黎預咗會喺TDS 失控同要添置秋冬裝； 二黎單係帶去日本的香港手信都經已裝滿一個喼 不過check-in 姐姐好好人冇charge 我超重咗嗰一兩kg 可能見我冇hand carry 吧 :P 仲好心提我回程要注意返重量因為日本捉得嚴啲 但其實我回程已買了30kg (笑) (^ー^*)ノイッテキマース♪ 上機～ 由於太遲check-in 被安排了坐中間席 左邊坐了西方男士 右邊坐了東方女士 起飛冇耐我先發現佢哋原來係一pair :O 點解佢哋要分開坐咁搞笑呢！？ 佢哋互動時難為我呢個中間人 :| UO 1632 09:00 到步後第一時間去買N’EX 車票 然後受朋友所托到郵便局寄啲東東比佢啲日本友達 咁樣寄國內，郵費比香港寄空郵應該都有平一半，同埋喺日本寄出一兩日就送到！ 下次再去開日本又探不到友達時試下先 :D N'EX (成田空港T2→品川) 第一日目的地係熱海 先坐15:18發的N’EX 到品川，再轉東海道新幹線前往熱海 轉車時唔小心漏低同事送的sailor moon 小袋 :'( 初搭新幹線 原來冇咩位放喼:O 三人席好彩中間的冇人坐 唔係兩個喼實阻到人~,~" N'EX で 品川到熱海約40分鐘到 奈何11月的日本5點經已天都黑晒 到達熱海後店鋪已陸續關門 接下來就係要拖住兩個喼向下走十幾分鐘斜路到溫泉旅館！！ 其實都係一件幾礙眼嘅事lol 冇人會拎埋咁多行李黎浸泉吧仲要明知要走斜路 不過想第二日快啲到靜岡就安排咗落機直奔熱海 下次我唔會再咁傻lol 熱海銀座 呢晚入住的溫泉旅館叫ホテル貫一 一人住溫泉旅館實在有點貴耶～ 所以只係book了素泊plan加了40分鐘私人露天風呂 合共10,410円 由熱海駅行到旅館大概15-20分鐘 當時check-in 已經算夜lu,.. 私人風呂可供予約嘅早上時間只剩返最早的6AM x.x 雖然明知天陰有雨唔會見到以下藍天海景，但又唔想對住黑媽媽嘅夜景，就挑戰午前6時！ 初島の絶景 (官網圖) 臨上房前 前台姐姐帶我去選浴衣 隨便選了件粉紅色～ 呢晚就在此一宿 街側和室 熱海温泉饅頭 喺和室興奮完一輪就出去醫肚lu (其實嗰時已經有成10個鐘冇食野lol) 由旅館行返去熱海駅，沿路仍營業中嘅食店真係得返好少... 當時都只不過係夜晚7點 大概其他觀光客都喺旅館享用緊夕食吧～ 然後唔食生嘢嘅我嚟到熱海只能無視一間又一間嘅海鮮刺身鋪頭 遇到一間手打蕎麦屋已非常好！ 手打ちそば処 長舟 拉開門入去一個人都冇... 想裝入廚房望下啦 店員就同時間伸個頭出黎真係比佢嚇親-,- 確認仍營業中後就坐低點餐～ 店內一邊係table席；一邊係tatami席 懶得除鞋關係都係選擇table席XD table席 (テーブル席) tatami席 (座敷) 餐牌全日文 都係例牌叫店員推介～ 推介了雞肉同鴨肉 那就點了雞肉蕎麦麵熱上 雞肉味道淡咗啲 麵同湯底都OK 手打ちそば処 長舟 雞肉蕎麦麵熱上 (1,300円) 解決了晚餐後因為出面仲落住毛毛雨冇嘗試走到海邊lu 返去旅館亂着浴衣ゴロゴロwww ゴロゴロ 然後到大浴場泡個湯先～ 走廊光線比較陰暗 其實一個人等lift 都有啲驚驚地唔敢周圍望lol 位於一樓嘅大浴場冇咩特別睇唔到出面景色 不過我浸的時候一個人都冇可以霸晒整個女湯～正 大浴場利用時間：15:00～9:30 (官網圖) 浸完要較鬧鐘瞓lu zZZ ---End of Day 1--- . Instagram: @wanderluststella Facebook: WanderluStella . 「一人探友達の旅」行程： Day 1: 香港→東京(成田)→熱海 Day 2: 熱海溫泉→新靜岡→清水(小丸子樂園)→新靜岡CENOVA→青葉橫丁 Day 3: 清水(三保海岸)→日本平
