因為病到死死吓，所以就成個月都無update! 今次就分享吓喺Bruno online shop買嘅嘢。有睇開都知我係Bruno的忠實支持者，所以間唔中都會上網或者去shop睇有無新產品，又或者有無特價品。 1. 焗盤 本身用緊Bruno Toaster Grill，之前有買其他焗盤都用舊咗，又或者唔係好啱位，所以趁今次就買返Bruno嘅就最好喇。紅色同灰色之間揀咗一陣，由於屋企的厨房用品都係粉色多，所以最後都揀咗灰色。 2. 有洞湯勺/鑊鏟 呢個特價864円，啱啱想買個有洞的湯勺，方便炆餸的時候，方便隔開餸同埋汁。 3. 收納容器兩個 一直揾緊收納容器放化妝掃，想要有蓋而又啱心水的真係好難。咁啱見到呢兩個好cute又有特價，高身的1620円，另一個702円，難得鍾意就買。高身的實物比想像中大，不過只要放到我的化妝掃就好，大好過細。細的就同想像中一樣，放碎粉掃啱啱好。兩個都有蓋，唔怕會有塵。 本身細都揀咗粉紅色，點知落咗order先無貨。收到email問轉唔轉色，反正另一隻都ok，就照買，終於解決到化妝掃收納的煩惱。
