皮膚敏感,好耐無試過咁勁,所以真係要戒口,食清啲。個人唔舒服,仲要返工,盡量煮一煲可以食幾日,慳時間又可以休息多啲。 雞脾肉 300g 甘筍 1條 西芹 1條 薯仔 3個 洋蔥 2個 蕃茄 1個 蒜鹽 適量 由於懶,所以喺超市買切件雞脾肉,先用蒜鹽醃好。煲水然後就切菜,菜都係隨意,見到有乜就買。水滾就放曬落去,煲到薯仔同甘荀都啱食就得。呢個湯可以加烏冬都好好味,完全唔駛另外再加調味。