失蹤咗差不多一個星期,因為病到死咗。懷疑係食咗冰箱入面的肉,之後不斷肚瀉,從來未試過咁辛苦。有36個鐘完全食唔到嘢,只係飲保礦力吊命。 病到同事都見到我面青青,但係年度尾真係忙到請唔到假⋯⋯嗰幾日真係完全係靠意志力返工。中間有抽時間睇醫生,有藥食安心好多。之後慢慢有返胃口,由清清地開始食返嘢,而家已經好返好多。 一個人喺外國生活,最辛苦真係病的時候。今次只係三幾日的事,小病是福,以後要小心食嘢。幸好及時好返,可以去到同事的Farewell Parties!