上回講到去仙台Outlet買咗波鞋,今次就同大家分享! 現有的波鞋係時候換,一直都有睇,但係未啱心水,所以一直無落手買。之前睇過Adidas BOOST呢條line好著,所以今次去Outlet就去睇。 一入到去就Adidas聽到大部份鞋款outlet價再6折,咁就睇吓有無Boost款。最先係睇黑色,試上腳好舒服,Outlet價9100円,即刻決定買。之後見到白色都好靚,嚟緊夏天有好好襯衫,最重要係Outlet價只係4400円,唔駛考慮,即刻買埋。去到俾錢兩對Outlet價係13500円,再6折,最後加埋稅唔駛9000円,超級抵! 之後同著開BOOST的朋友傾開,唔係個個Outlet都有得賣,仲要係正常色真係好好彩!呢個Outlet除咗BOOST,仲有NMD,我見好多人狂掃,大家有機會可以碰碰運氣!