好少寫煮嘢食post，基本上我日日都會煮晚餐，weekend全日留喺屋企的話都會自己煮。由而家開始會寫多啲，特別係易煮又好味的。 今次呢個紅豆碎肉粥係忽發奇想而煮的。因為發現有包自己唔記得咗而又啱啱過咗期的紅豆，唯有快快手用埋佢。 紅豆 1杯 米 1杯 免治豬肉 300g 水 10杯 日式上湯 適量 如果weekend煮的話，前一晚就浸定紅豆，到起身就浸埋米。之後就煲水，等水滾就落晒浸好的紅豆同米。中大火大滾10分鐘就落埋免治豬肉，再等到水滾就熄火，用餘温慢慢煮啲紅豆。到食的時候再翻滾，落少少日式上湯調味，咁就食得喇。可能大家會覺得紅豆甜食會啱啲，但係呢個粥都好好味，一啲都唔會怪。 聽講紅豆可以去水腫，平時我每朝右眼化妝前都要貼一貼雙眼皮膠紙，食咗呢個粥之後的一個星期都唔駛貼，就自然有雙眼皮。對我嚟講都幾有效，間唔中都會煲嚟食吓。
