呢排各方好友都有send message俾我，提我北海道可能再會地震。 啱啱用電腦睇緊YouTube，突然電話響話地震，即刻避落枱底，未落到地下嗰下已經開始震。大約震咗一分鐘左右就停，跟住就準備瞓覺。經過上次的經驗，明顯而家反應快好多。因為好多時係一秒之間的決定，所以最重要保持冷靜。 上次大地震後，我回顧一下，覺得自己的人生無遺憾。既然揾到一個適合自己生活的地方，就要去適應環境。如果真係驚，不如返香港。大家都話我係天生的risk-taker，由香港到日本，將人生歸零，到今日都生活得好好⋯⋯其實已經無咩要驚，想做的事就盡量做好，活在當下！
