今次又係寫Fancl，要重申一次，真係自己真金白銀買，要寫用後感。 其實呢一個order係上年十一月尾訂，因為轉天氣發覺虎紋位上咗粉之後好現，所以買支wrinkle cream試吓。由12月開始用到而家大約兩個半月，剛剛用完一支。雖然官方建議係兩個月之內用完，不過用唔完會繼續用，唔會浪費。 呢段時間早晚都會用，主要搽眼下面加虎紋，有時額頭同頸太乾都會搽少少。用咗一個月左右，虎紋已經明顯有改善，用完一支係好滿意。至於眼，啱啱開始有小細紋，用完一支後，覺得無變差，但係老實亦無太大改善。至於額頭同頸就唔係成日用，所以唔可以做判斷。要順帶一提，因為本身係濕疹底，所以會試用開的品牌。如果大家無敏感問題，應該會有更多更好的選擇。 至於Deep Charge Collagen，今次買粉狀，成份比較簡單，同支裝比較一樣係3000mg Collagen，但係價錢比支裝便宜好多，所以即管轉嚟試吓。 同たち吉crossover已經去到第三回，下個月會出第四回，咁就可以儲齊一套喇！
