好似好耐無出過購物post,咁啱尋日出咗街,又有收穫,可以分享吓。 行過札幌站的地下街,見到Accessories Blossom減價,所以就睇吓有無嘢啱。減價係1080円5件任揀,我覺得咁樣比福袋更好,可以揀自己鍾意的,唔駛浪費。 啡色蝴蝶髮夾、黑色毛毛頭帶同黃色格子頭帶原價各972円,其餘兩個小髮夾原價各540円。全部加埋差不多4000円,而家大概只要25%價錢就買到,好抵! 好有趣係⋯⋯一月中後已經見唔到福袋,竟然尋日會見到。Sanrio、三越同丸井今井某啲店舖都有福袋,應該係因為雪祭有好多人嚟札幌玩啦!